மகளிர் கிரிக்கெட் வரலாற்றில் புதிய உச்சம் தொட்ட மிதாலி ராஜ்! சச்சினுக்கு இணையான சாதனை

மகளிர் கிரிக்கெட் போட்டியில் இந்திய வீராங்களை மிதாலி ராஜ் சச்சினுக்கு இணையான புதிய சாதனை ஒன்றை படைத்துள்ளார்.

மகளிர் கிரிக்கெட் போட்டியில் இந்தியா - தென்னாப்பிரிக்கா அணிகளுக்கு இடையேயான முதல் ஒரு நாள் போட்டி நேற்று நடைபெற்றது. இந்த போட்டியில் முதலில் விளையாடிய தென்னாப்பிரிக்கா அணி 164 ரன்கள் எடுத்தது. அடுத்து களமிறங்கிய இந்திய அணி 8 விக்கெட்கள் வித்தியாசத்தில் அபார வெற்றி பெற்றது.

இந்த போட்டியில் கேப்டன் மிதாலி ராஜ் விளையாடியதன் மூலம் புதிய சாதனை ஒன்றை படைத்துள்ளார். மிதாலி ராஜ் 20 ஆண்டுகளுக்கு மேலாக விளையாடி மகளிர் கிரிக்கெட் போட்டியில் புதிய உச்சத்தை எட்டி உள்ளார்.

மிதாலி ராஜ் 1999ம் ஆண்டு ஜூன் மாதம் அயர்லாந்து அணிக்கு எதிரான போட்டியில் முதன்முதலாக களமிறங்கினார். தற்போது மிதாலி ராஜ் 20 ஆண்டுகள் கிரிக்கெட் விளையாடி சச்சினுக்கு இணையான மைல்கல்லை எட்டி உள்ளார். மகளிர் கிரிக்கெட்டில் 20 ஆண்டுகளுக்கு மேல் விளையாடும் முதல் வீராங்கனை என்ற பெருமையை மிதாலி ராஜ் பெற்றுள்ளார்.

ஜாம்பவான் சச்சின் 22 ஆண்டுகளுக்கு மேலாக(22 ஆண்டுகள் 91 நாட்கள்) கிரிக்கெட் விளையாடி முதல் இடத்தில் உள்ளார். ஜெயசூர்யா (21 ஆண்டுகள் 184 நாட்கள்), ஜாவேத் மியான்தத் (20 ஆண்டுகள் 272 நாட்கள்) கிரிக்கெட் ஆடி அடுத்த இடங்களில் உள்ளனர். ஆடவர் கிரிக்கெட் உடன் சேர்த்து பார்த்தால் மிதாலி ராஜ் 4வது இடத்தில் உள்ளார்.