மீண்டும் மிதாலி ராஜ் நீக்கம்: இந்திய அணியில் வெடிக்கும் மோதல்!

வெஸ்ட் இண்டீசில் கடந்த நவம்பர் மாதம் நடந்த மகளிர் டி-20 உலகக் கோப்பை தொடரின் அரையிறுதிப் போட்டியில் முன்னணி வீராங்கனை மிதாலி ராஜ் எந்தவித காரணமும் இன்றி சேர்க்கப்படவில்லை. கேப்டன் ஹர்மன்ப்ரீத் கவுர், மிதாலி ராஜ் ஆகியோர் இந்த விவகாரம் தொடர்பாக பிசிசிஐ உயரதிகாரிகளை சந்தித்து விளக்கம் அளித்தனர். (Getty)

மிதாலி ராஜ், பிசிசிஐக்கு அனுப்பிய இமெயிலில் பயிற்சியாளர் ரமேஷ் பவார் மீது அடுக்கடுக்கான குற்றச் சாட்டுகளைக் கூறினார். பவாரும் அவரது பங்கிற்கு மிதாலி மீது புகார் தெரிவித்தார். இந்த விவகாரம் இந்திய மகளிர் கிரிக்கெட்டில் பல சலசலப்புக்களை ஏற்படுத்தியது. (BCCI)

மிதாலி ராஜ் விவகாரத்தால் அதிருப்தி அடைந்த பிசிசிஐ, ரமேஷ் பவாரின் பயிற்சியாளர் பதவிக்காலத்தை நீட்டிக்கவில்லை.

இந்திய மகளிர் கிரிக்கெட் அணியின் தலைமை பயிற்சியாளராக டபிள்யு.வி.ராமன் நியமிக்கப்பட்டார். (BCCI)

பவார் ஓரங்கட்டதைப்போல் மிதாலியும் புறக்கணிக்கப்படுவாரோ என்ற கேள்வி எழுந்துள்ளது. (File)

இதனை அடுத்து, நியூசிலாந்து அணிக்கு எதிரான ஒரு நாள் தொடருக்கு மிதாலி ராஜ் கேப்டனாகவும், டி-20 தொடருக்கு ஹர்மன்ப்ரீத் கவுர் கேப்டனாகவும் நியமிக்கப்பட்டனர். அதன்பின், மிதாலி ராஜுக்கும், தனக்கும் எந்த பிரச்னையும் இல்லை என டி-20 அணியின் கேப்டன் ஹர்மன்ப்ரீத் கவுர் கூறியிருந்தார். (Getty)

மிதாலி ராஜ் தலைமையிலான இந்திய அணி, நியூசிலாந்துக்கு எதிரான ஒரு நாள் தொடரை வென்று அசத்தியது. (WhiteFerns)

இந்நிலையில், நேற்று நடந்த நியூசிலாந்துக்கு எதிரான முதல் டி-20 போட்டியில் மிதாலி ராஜ் சேர்க்கப்படவில்லை. இந்த போட்டியில் இந்திய அணி தோல்வியும் அடைந்தது. இதனால், இந்த விவகாரம் மீண்டும் புகையத் தொடங்கியுள்ளது. (Twitter)

மிதாலி ராஜ் சேர்க்கப்படாதது குறித்து இந்திய அணியின் கேப்டன் ஹர்மன்பிரீத் கவுர் கூறுகையில், “இளம் வீராங்கனைகளுக்கு வாய்ப்பு அளிக்க வேண்டும் என்ற ஒரே எண்ணத்தில்தான் இந்த முடிவு எடுக்கப்பட்டது. தற்போது வெளிநாட்டு மண்ணில் எங்களுக்கு இந்த 3 போட்டிகள் மட்டுமே உள்ளது. அதன்பிறகு நாங்கள் அதிகம் இந்திய சூழ்நிலையிலேயே விளையாட உள்ளோம். அதனால்தான், இளம் வீராங்கனைகளுக்கு வாய்ப்பு அளித்தோம்” என தெரிவித்தார். (BCCI)