தொடங்கியது ஆசியக்கோப்பை ஃபீவர்.. அதிக ரன்கள் அடித்த டாப் 6 வீரர்கள் பட்டியல் இதோ..

இலங்கையின் பேட்டிங் ஜாம்பவானான சனத் ஜெயசூர்யாதான் ஆசிய கோப்பைத் தொடரின் அதிக ரன்கள் அடித்த பேட்ஸ்மேன். அவர் 25 ஆசிய கோப்பைப் போட்டிகளில் 1,220 ரன்கள் அடித்துள்ளார். அவருடைய பேட்டிங்க் ஆவரேஜ் 53.04 ஆக உள்ளது. அவர் இதுவரை ஆசியக் கோப்பைத் தொடரில் 6 சதங்கள் மற்றும் மூன்று அரை சதங்களை அடித்துள்ளார். ஆசிய கோப்பையில் அவருடைய அதிகபட்ச ஸ்கோர் 130.

ஆசிய கோப்பையில் அதிக ரன்கள் அடித்த வீரரில் இரண்டாவது இடத்தில் குமார் சங்ககாரா உள்ளார். விக்கெட் கீப்பர் பேட்ஸ்மேனான இவர் 24 ஆசிய கோப்பை போட்டிகளில் விளையாடி 1,075 ரன்கள் அடித்துள்ளார்.அவருடைய பேட்டிங் ஆவரேஜ் 48.86 ஆக உள்ளது. அவர் 4 சதங்கள் மற்றும் 8 அரைச் சதங்கள் அடித்துள்ளார். அதிகபட்சமாக 121 ரன்கள் அடித்துள்ளார்.

மூன்றாவது இடத்தில் சச்சின் டெண்டுல்கர் இருக்கிறார். அவர் 23 போட்டிகளில் 971 ரன்கள் அடித்துள்ளார். அதிக ரன்கள் அடித்த இந்திய வீரர்களில் சச்சின் முதல் இடத்தில் உள்ளார். அவர் இரண்டு சதங்கள் மற்றும் 7 அரைச் சதங்களை ஆசியக் கோப்பை போட்டிகளில் அடித்துள்ளார். அவருடைய அதிக பட்ச ஸ்கோர் 114 ஆக உள்ளது.

பாகிஸ்தானின் சோயப் மாலிக் 4வது இடத்தில் உள்ளார். அவர் 907 ரன்களை அடித்துள்ளார் அவருடைய ஆவரேஜ் 64.78 ஆக உள்ளது. அவர் 3 சதங்கள் மற்றும் 4 அரைச் சதங்களை அடித்துள்ளார். அவருடைய அதிகபட்ச ஸ்கோர் 143.

அதிக ரன்கள் அடித்த வீரர்களில் 5 வது இடத்தில் இந்திய கேப்டன் ரோகித் சர்மா உள்ளார். இவர் 27 ஆசியக் கோப்பை போட்டிகளில் 883 ரன்கள் அடித்துள்ளார். ஆவரேஜ் 42.04. அவர் ஒரு சதம் மற்றும் 7 அரைச் சதங்களை அடித்துள்ளார். அதிகபட்சமாக 111 ரன்கள் அடித்துள்ளார்.

6வது இடத்தில் விராட் கோலி இருக்கிறார். அவர் 16 ஆசியக்கோப்பை 766 ரன்கள் அடித்துள்ளார். அவருடைய பேட்டிங் ஆவரேஜ் 63.83 ஆக உள்ளது. 3 சதங்களையும் 2 அரைச் சதங்களையும் அடித்துள்ளார்.