சென்னை டெஸ்ட்டில் புதிய மைல்கல்லை எட்டிய பும்ரா..!

ஜஸ்பிரித் பும்ரா சொந்த மண்ணில் விளையாடுவதற்கு முன் அதிக டெஸ்ட் போட்டிகளை வெளிநாட்டில் விளையாடிய வீரர் என்ற சாதனையை சமன் செய்துள்ளார்.

ஜஸ்பிரித் பும்ரா 2018-ம் ஆண்டு டெஸ்ட் போட்டிகளில் அறிமுகமாகி இருந்தாலும் சென்னை டெஸ்ட் போட்டி தான் அவர் இந்தியாவில் விளையாடும் முதல் டெஸ்ட் போட்டியாகும்.

பும்ரா 2018-ம் ஆண்டு தென்னாப்பிரிக்காவிற்கு எதிரான டெஸ்ட் போட்டியில் அறிமுகமானார். தற்போது வரை 17 டெஸ்ட் போட்டிகளில் விளையாடி 79 விக்கெட்களை வீழ்த்தியிருந்தார்.

பும்ரா விளையாடிய டெஸ்ட் போட்டிகள் அனைத்தும் வெளிநாடுகளில் நடைபெற்றதாகும். சென்னையில் இன்று நடைபெற்ற டெஸ்ட் போட்டி தான் பும்ராவில் முதல் இந்திய போட்டியாகும்.

இதன் மூலம் சொந்த மண்ணில் விளையாடுவதற்கு முன் அன்னிய மண்ணில் அதிகப் போட்டிகள் விளையாடிய வீரர் என்ற சாதனையை சமன் செய்துள்ளார்.

இதற்கு முன் மேற்கிந்திய தீவுகள் அணியின் பேட்ஸ்மேன் டேரன் கங்கா 17 போட்டிகள் அந்நிய மண்ணில் விளையாடியதே சாதனையாக இருந்தது. தற்போது அதை பும்ரா சமன் செய்துள்ளார்.

இந்திய வீரர்களில் சொந்த மண்ணில் டெஸ்ட் விளையாடுவதற்கு முன் அன்னிய மண்ணில் ஜவஹல் ஸ்ரீநாத் 12, ஆர்.பி.சிங் 11, சச்சின் டெண்டுல்கர் 10 போட்டிகளில் விளையாடி உள்ளனர்.