IRE vs IND: உம்ரன் மாலிக், சூரியகுமார் ஏமாற்றம்!- ஹூடா, புவனேஷ்வர், செஹல் அற்புதம்- இந்தியா வெற்றி

அயர்லாந்து பயணம் மேற்கொண்டுள்ள ஹர்திக் பாண்டியா தலைமை இந்திய அணி தன் முதல் டி20 போட்டியில் அயர்லாந்தை வீழ்த்தி தொடரில் 1-0 என்று முன்னிலை வகிக்கிறது. காரணமாக 12 ஓவர்களாக குறைக்கப்பட்ட இந்த ஆட்டத்தில் அயர்லாந்து 108/4 என்று முடிய இந்திய அணி 9.2 ஓவர்களில் 111/3 என்று அபார வெற்றி பெற்றது.

டாஸ் வென்ற இந்தியா முதலில் அயர்லாந்தை முதலில் பேட் செய்ய அழைத்தது. அந்த அணியின் ஹாரி டெக்டர் 33 பந்துகளில் 64 ரன்கள் விளாசினார். முதலில் 22/3 என்று குறுகிய அயர்லாந்து இவரது இன்னிங்ஸினால் தான் சவாலான 108 ரன்களை எட்ட முடிந்தது.

பிட்ச் பசுந்தரையாக அமைய புவனேஷ்வர் குமாருக்கு பிரமாதமாக அமைந்தது. ஆண்டி பால்பர்னி என்ற அயர்லாந்து கேப்டனுக்கு ஒரு பந்தை வெளியே எடுத்து பிறகு உள்ளே கொண்டு வந்த போது கிளீன் பவுல்டு ஆகி டக் அவுட் ஆனார். 3ம் நிலையில் இறங்கிய காரெத் டெலானிக்கு ஒரு பெரிய இன்ஸ்விங்கரை வீசி பயமுறுத்தினார். புவனேஷ்வர் 2 ரன்களையே கொடுத்திருந்தார்.

உம்ரன் மாலிக்கிற்குக் கொடுக்காமல் ஹர்திக் பாண்டியா புதிய பந்தில் வீசினாலும் அவர் பால் ஸ்டர்லிங் விக்கெட்டை வீழ்த்தினார். காரெத் டெலானி 9 பந்தில் 8 ரன்கள் என்று கொஞ்சம் நன்றாக ஆடிய போது ஆவேஷ் கான் இவரை வீழ்த்தினார்.

அதன் பிறகுதான் டெக்டர் தன் அபார ஆட்டத்தை வெளிப்ப்டுத்தினார், இவர் அறிமுக ஆரம்பங்களிலேயே ஒருநாள் தொடர் 3 அரைசதங்களை எடுத்தவர். முதலில் அக்சர் படேலை 2 பவுண்டரிகள் அடித்தார். உம்ரன் மாலிக் முதல் பந்தையே 148 கிமீ வேகத்தில் வீசினார்.

உம்ரன் மாலிக் ஒரே ஓவரில் 14 ரன்கள் கொடுத்தார், டெக்டர் இவரையும் ட்ரைவ். ஹூக் ஆடினார். டெக்டர் 29 பந்தில் அரைசதம் அடித்தார், ஆனால் இவர் தன் பேட்டிங் திறமையை காட்டிய போது ஆவேஷ் கான் பந்தை ரிவர்ஸ் ஸ்கூப் ஆடினாரே பார்க்கலாம், ஆவேஷ் கான் அதிர்ச்சியடைந்தார்.

மொத்தம் 33 பந்துகள் ஆடிய டெக்டர் 6 பவுண்டரி 3 சிக்சர்களுடன் 64 ரன்கள் எடுத்து கடைசி வரை நாட் அவுட். இவருடன் லோர்கான் டக்கர் 2 சிக்சர்களுடன் 18 ரன்கள் எடுத்தார், மற்றவர்கள் சோபிக்கவில்லை அயர்லாந்து 12 ஒவர்களில் 108/4. என்று முடிந்தது

இந்தியா தரப்பில் புவனேஷ்வர் குமார் தான் பிக் ஆஃப் த பவுலர் 3 ஓவர் 16 ரன் 1 விக்கெட். ஆவேஷ், பாண்டியா ஒரு விக்கெட், உம்ரன் ஒரு ஓவர் 14 ரன், அக்சர் படேல் ஒரு ஓவர் 12 ரன். செஹல் 3 ஓவர் 11 ரன் 1 விக்கெட்.

இந்திய அணியின் மாஸ்டர் ஸ்ட்ரோக் தீபக் ஹூடா தொடக்கத்தில் இறக்கப்பட்டதே. இஷான் கிஷன் 11 பந்துகளில் 3 பவுண்டரி 2 சிக்சர்கள் விளாசினார். ஹூடா 7 பந்துகளில் 5 ரன்கள்தான் எடுத்திருந்தார். ஆனால் அதன் பிறகு 29 பந்துகளில் 6 பவுண்டரி 2 சிக்சர்களுடன் 47 ரன்கள் விளாசினார்.

இஷான் கிஷன் 26 பந்துகளில் யங் பந்தில் கிளீன் பவுல்டு ஆனார். அடுத்த பந்தே சூரியகுமார் யாதவ் நேராக ஆட முயன்று நேராக கால்காப்பில் வாங்கி ரிவியூவையும் விரயம் செய்து எல்.பி.ஆகி டக் அவுட் ஆனார்.

ஹர்திக் பாண்டியா 1 பவுண்டரி 3 சிக்சர்களுடன் 24 ரன்கள் எடுத்து ஜாஷ் லிட்டில் பந்தில் எல்.பி.ஆனார். கடைசியில் தினேஷ் கார்த்திக் (5), ஹூடா (47), இந்திய அணியை வெற்றிக்கு இட்டுச் சென்றனர். ஆட்ட நாயகனாக செஹல் தேர்வு செய்யப்பட்டார்.