நாளை ஐபிஎல் ஏலம் : எந்த அணிக்கு எவ்வளவு தொகை உள்ளது? எத்தனை வீரர்களை ஏலத்தில் எடுக்கவுள்ளது?

ஐபிஎல் மினி ஏலம் நாளை கொச்சியில் நடைபெறுகிறது. இதில், மொத்தம் 405 வீரர்கள் பங்கேற்க உள்ளனர். ஆரம்ப கட்டத்தில் பட்டியலில் 991 கிரிக்கெட் வீரர்கள் ஏலத்தில் பதிவு செய்திருந்தனர். இறுதிப் பட்டியல் 405 வீரர்களாக குறைக்கப்பட்டு ஏலம் விடப்பட்டுள்ளது. 10 அணிகளில் மொத்தம் 87 இடங்கள் உள்ளன. 405 வீரர்களில் 273 இந்திய வீரர்கள், 132 வெளிநாட்டு வீரர்களும் இந்த ஏலத்தில் பங்கேற்க உள்ளனர். மொத்தமாக ரூ.206.5 கோடி செலவு செய்யப்படவுள்ளது.

குஜராத் டைட்டன்ஸ்: கடந்த 2022ஆம் ஆண்டு ஐபிஎல் தொடரில் அறிமுகமான குஜராத் டைட்டன்ஸ் அணிக்கு ஆல்ரவுண்டர் ஹர்திக் பாண்டிய கேப்டனாக செயல்பட்டு முதல் தொடரிலே கோப்பையை வென்றது. இந்த நிலையில் குஜராத் டைட்டன்ஸ் அணி ரூ.75.75 கோடியை செலவு செய்து 18 வீரர்களை தக்க வைத்து கொண்டுள்ளது. மேலும் மீதமுள்ள ரூ.19.25 கோடியில் 3 வெளிநாட்டு வீரர்கள் உள்பட 7 வீரர்களை இந்த ஏலத்தில் எடுக்கவுள்ளது.

சென்னை சூப்பர் கிங்ஸ்: ஐபிஎல் தொடரில் 4 முறை சாம்பியன் பட்டம் வென்ற சென்னை சூப்பர் கிங்ஸ் அணி ரூ.74.55 கோடி செலவு செய்து 18 வீரர்களை தக்கவைத்துள்ளது. மீதமுள்ள ரூ.20.45 கோடி தொகையுடன் 2 வெளிநாட்டு வீரர்கள் உள்ளிட்ட 7 பேரை ஏலத்தில் எடுத்து கொள்ள திட்டமிட்டுள்ளது.

டெல்லி கேப்பிட்டல்ஸ் அணி ரூ.75.55 கோடியில் 20 வீரர்களை தக்க வைத்துள்ளது. மேலும் இந்த மினி ஏலத்தில் ரூ.19.45 கோடி மீதமுள்ள நிலையில் அதில் 2 வெளிநாட்டு வீரர்கள் உள்பட 5 வீரர்களை ஏலத்தில் எடுக்க உள்ளது.

கொல்கத்தா நைட் ரைடர்ஸ் அணியில் தற்போது 14 வீரர்கள் தக்க வைக்கப்பட்டுள்ளனர். ரூ.87.95 கோடி ரூபாயை செலவு செய்துள்ள இந்த அணிக்கு ரூ.7.05 கோடி கையில் உள்ளது. இதில் 3 வெளிநாட்டு வீரர்கள் உள்பட 11 வீரர்களை கொல்கத்தா அணி ஏலத்தில் எடுக்கவுள்ளது.

 பஞ்சாப் கிங்ஸ் அணியில் தற்போது ரூ.62.80 கோடியில் 16 வீரர்கள் தக்க வைக்கப்பட்டுள்ளனர். மீதமுள்ள ரூ.32.20 கோடியில் 3 வெளிநாட்டு வீரர்கள் உள்பட 9 வீரர்களை இந்த மினி ஏலத்தில் பஞ்சாப் அணி எடுக்கவுள்ளது

லக்னோ சூப்பர் ஜெயிண்ட்ஸ் அணியில் ரூ.71.65 கோடியில் 15 வீரர்களை தக்க வைத்துள்ளது. மீதமுள்ள ரூ.23.35 கோடியில் 4 வெளிநாட்டு வீரர்கள் உள்பட 10 வீரர்களை ஏலத்தில் எடுக்கவுள்ளது.

மும்பை இந்தியன்ஸ் அணியில் ரூ.74.45 கோடியில் 16 வீரர்களை தக்க வைத்துள்ளது. மீதமுள்ள ரூ.20.55 கோடியில் 3 வெளிநாட்டு வீரர்கள் உள்பட 9 வீரர்களை ஏலத்தில் எடுக்கவுள்ளது.

ராயல் சேலஞ்ர்ஸ் பெங்களூர் அணி ரூ.86.25 கோடி 18 வீரர்களை தக்க வைத்துள்ளது. மீதமுள்ள ரூ.8.75 கோடியில் 2 வெளிநாட்டு வீரர்கள் உள்பட 7 வீரர்களை ஏலத்தில் எடுக்கவுள்ளது

சன்ரைசர்ஸ் ஐதராபாத் அணியில் ரூ.52.75 கோடி செலவு செய்து 12 வீரர்களை தக்க வைத்துள்ளது. மீதமுள்ள ரூ.42.25 கோடியில் 4 வெளிநாட்டு வீரர்கள் உள்பட 12 வீரர்களை ஏலத்தில் எடுக்க திட்டமிட்டுள்ளது

ராஜஸ்தான் ராயல்ஸ் அணி ரூ.81.80 கோடி ரூபாயை செலவு செய்து 16 வீரர்களை தக்க வைத்துள்ளது. மீதமுள்ள ரூ.13.20 கோடியில் 4 வெளிநாட்டு வீரர்கள் உள்பட 9 வீரர்களை இந்த மினி ஏலத்தில் எடுக்கவுள்ளது