India vs South Africa 3rd test| விராட் கோலிக்கு பெரிய மைல்கல் சாதனை காத்திருக்கிறது- 3வது டெஸ்ட்டில் சாதிப்பாரா?

தென் ஆப்பிரிக்காவுக்கு எதிரான தொடரை தீர்மானிக்கும் லெவன் அணியில் மீண்டும் களமிறங்க உள்ள இந்திய கேப்டன் விராட் கோலி, கேப்டவுன் டெஸ்ட் போட்டியின் போது ஒரு பெரிய பேட்டிங் சாதனையை எதிர்நோக்குகிறார். முதுகு வலி காரணமாக அவர் 2வது டெஸ்ட் போட்டியில் விளையாடவில்லை.

அனைத்து வடிவங்களிலும் இந்தியாவின் பேட்டிங் மையமாகத் திகழ்ந்த கோலி 3வது டெஸ்டில் ஒரு பெரிய பேட்டிங் சாதனையை எதிர்நோக்குகிறார்.

கேப்டவுன் டெஸ்ட் போட்டியின் போது கோலி ஒரு பெரிய பேட்டிங் சாதனையை எதிர்நோக்குகிறார். கேப்டவுன் டெஸ்ட் போட்டியில் தென் ஆப்பிரிக்காவுக்கு எதிரான தொடரை தீர்மானிக்கும் டெஸ்ட் போட்டியில் விராட் கோலியின் மறுபிரவேசத்தால் இந்திய அணி உற்சாகமாக உள்ளது. இந்திய கேப்டன் விராட் கோலிஅணியுடன் பயிற்சி பெற்றார்.

7854 ரன்களுடன், கோலி டெஸ்ட் போட்டிகளில் அதிக ரன்கள் எடுத்தவர்கள் பட்டியலில் 32 வது இடத்தில் அமர்ந்துள்ளார். நவம்பர் 2019க்குப் பிறகு கோலி எந்த வடிவத்திலும் சதம் அடிக்கவில்லை.

முதுகு வலி காரணமாக 2வது டெஸ்ட் போட்டியை அவர் இழக்க நேரிட்டது. இந்நிலையில் கேப்டவுனில் தனது 99வது டெஸ்ட் போட்டியை ஆடுகிறார் விராட் கோலி.

கோலி அபாரமாக விளையாடி 2 இன்னிங்ஸ்களில் 146 ரன்கள் எடுத்தால், டெஸ்ட் கிரிக்கெட் வரலாற்றில் 8000 ரன்களை கடந்த 31வது பேட்ஸ்மேன் என்ற சாதனையை படைப்பார்.

சராசரியாக 50.34 மற்றும் 27 சதங்கள் அவரது சாதனைப் புத்தகத்தில் இடம்பெற்றுள்ளன. 27 அரைசதங்கள் எனும்போது அரைசதத்தை சதமாக மாற்றுவதில் கன்வர்ஷன் ரேட் பிரமாதமாக உள்ளது, ஆனால் சமீபமாக அவர் 10-15-ஐ 25 ஆக கன்வர்ட் செய்யவே திணறி வருகிறார்.

8000 ரன்களைக் கடப்பது கோலிக்கு கடினமான பணியாக இருக்கும். அவர் இந்த மைல்கல்லை எட்டினால், கோலி 6வது இந்திய பேட்ஸ்மேன் ஆவார்.

சச்சின் டெண்டுல்கர் (15921), ராகுல் டிராவிட் (13265), சுனில் கவாஸ்கர் (10122), விவிஎஸ் லக்ஷ்மண் (8781), வீரேந்திர சேவாக் (8503) ஆகியோருக்குப் பிறகு 8000 டெஸ்ட் ரன்களை எட்டிய ஜாம்பவான்கள் பட்டியலில் கோலியும் இணைவார்.

டெஸ்ட் தொடரை ஒரு சதத்துடன் முடிக்க முடிந்தால், அதிக சதம் அடித்த பேட்ஸ்மேன்கள் பட்டியலில் ஆலன் பார்டர் மற்றும் கிரேம் ஸ்மித் ஆகியோரை விட கோலி முன்னேறுவார். ஸ்டீவ் ஸ்மித் 27 சதங்களையும் பதிவு செய்துள்ளார். இந்த பட்டியலில் 51 சதங்கள் அடித்த சச்சின் டெண்டுல்கர் முதலிடத்தில் உள்ளார்.
தொடரின் 3வது மற்றும் கடைசி டெஸ்ட் போட்டி கேப்டவுனில் ஜனவரி 11 முதல் 15 வரை நடைபெறும். ஹனுமா விகாரிக்குப் பதில் கோலி வருவார் என்றே எதிர்பார்க்கப்படுகிறது, காரணம் ரகானே, புஜாரா சீனியர் வீரர்களின் தொல்லை தாங்க முடியவில்லையே?!