- sponsored by
நியூசிலாந்தில் சுற்றுப்பயணம் மேற்கொண்டுள்ள இந்திய கிரிக்கெட் அணி, 2 விதமான தொடர்களில் விளையாடி வருகிறது. முதலில் நடந்து முடிந்த ஒரு நாள் தொடரை 4-1 என இந்திய அணி கைப்பற்றியது. இதன்மூலம், 10 ஆண்டுகளுக்குப்பின், நியூசிலாந்து மண்ணில் ஒரு நாள் தொடரை வென்று இந்தியா சாதித்தது. (BCCI)
இதனையடுத்து, இந்தியா - நியூசிலாந்து அணிகள் இடையிலான 3 போட்டிகள் கொண்ட டி-20 தொடர் இன்று (பிப்.6) முதல் வரும் 10-ம் தேதி வரை நடைபெற உள்ளது. (BCCI)
வெல்லிங்டனில் நடைபெற்ற முதல் போட்டியில் டாஸ் வென்ற இந்திய அணியின் கேப்டன் ரோகித் சர்மா முதலில் பந்துவீச்சு தேர்வு செய்தார். (BCCI)
நியூசிலாந்து அணியின் தொடக்க வீரர்களாக கொலின் முன்ரோ மற்றும் டிம் செயிஃபெர்ட் களமிறங்கினர். இருவரும் இந்திய அணியின் பந்துவீச்சை துவம்சம் செய்தனர். (BlackCaps)
அதிரடியாக விளையாடிய அறிமுக வீரர் டிம் செயிஃபெர்ட் 43 பந்துகளில் 84 ரன்கள் விளாசி கலீல் அகமது பந்துவீச்சில் ஆட்டமிழந்தார். (BlackCaps)
மற்ற வீரர்களும் தங்களது பங்கிற்கு சில பவுண்டரிகளை விளாச, நியூசிலாந்து அணி நிர்ணயிக்கப்பட்ட 20 ஓவர்கள் முடிவில் 6 விக்கெட்டுகள் இழப்புக்கு 219 ரன்கள் குவித்தது. (BCCI)
இந்தியா சார்பில் ஹர்திக் பாண்டியா 2 விக்கெட்டுகளையும், புவனேஸ்வர் குமார், கலீல் அகமது, க்ருனல் பாண்டியா, சாஹல் ஆகியோர் தலா ஒரு விக்கெட்டையும் வீழ்த்தினர். (BCCI)
கடின இலக்கை நோக்கி களமிறங்கிய இந்திய அணிக்கு கேப்டன் ரோகித் சர்மா ஒரு ரன்னில் ஆட்டமிழந்து அதிர்ச்சி அளித்தார். (ICC)
மற்றொரு தொடக்க வீரர் ஷிகர் தவான் 29 ரன்களிலும், விஜய் சங்கர் 27 ரன்களிலும் ஆட்டமிழந்தனர். (ICC)
இதனை அடுத்து, தோனி (39) தவிர மற்ற வீரர்கள் சீரான இடைவெளியில் விக்கெட்டுகளை இழந்தனர். இறுதியில், இந்திய அணி 19.2 ஓவர்களில் 139 ரன்களுக்கு ஆல் அவுட்டானது. (ICC)
இதனால், 80 ரன்கள் வித்தியாசத்தில் வெற்றி பெற்ற நியூசிலாந்து அணி 3 போட்டிகள் கொண்ட டி-20 தொடரில் 1-0 என முன்னிலை வகிக்கிறது. இதுவே டி-20 போட்டியில் இந்தியாவின் மிகப்பெரிய தோல்வியாகும். (ICC)
போட்டி முடிந்த பிறகு, தோல்வி குறித்து கேப்டன் ரோகித் சர்மா கூறுகையில், “மிகவும் கடினமான போட்டியாக இருந்தது. பேட்டிங், பவுலிங், பீல்டிங் என மூன்று துறைகளிலும் சரியாக விளையாடவில்லை. 200 ரன்கள் என்ற இலக்கை சேஸிங் செய்வது எளிதான காரியம் இல்லை என்பது எங்களுக்குத் தெரியும். ஆனால், சரியான தொடக்கம் அமையவில்லை” என தெரிவித்தார். (BCCI)
மேலும், “இதற்குமுன் பெரிய இலக்கை சேஸிங் செய்துள்ளோம். இந்த முறை சிறிய பார்ட்னர்ஷிப் கூட கிடைக்காததால் போட்டி கடினமாகிவிட்டது. அணியில் 8 பேட்ஸ்மேன்கள் இருந்தும் தோல்வி அடைந்தது வருத்தமளிக்கிறது” என ரோகித் கூறினார். (BCCI)
