டி20 தொடரை வென்றது இந்தியா-அறிமுக ஆட்ட நாயகன் ஹர்ஷல் படேல், நியூசிலாந்தை முடக்கிய அஸ்வின், அக்சர் படேல்,- ரோகித், ராகுல் அதிரடி

ராஞ்சியில் நடைபெற்ற 2வது டி20 போட்டியில் டாஸ், பனிப்பொழிவு, ஹர்ஷல் படேல், அக்சர் படேல், அஸ்வின் ஆகியோரது பவுலிங், ரோகித் சர்மா, ராகுல் அமைத்த 117 ரன்கள் அதிரடிக் கூட்டணியினால் நியூசிலாந்து அணியை இந்தியா வீழ்த்தி டி20 தொடரை 2-1 என்று கைப்பற்றியது.

டாஸில் தொடர்ந்து 2ம் முறையாக வென்ற ரோகித் சர்மா சேசிங் தான் இந்தியாவுக்கு சரியான வழி, புள்ளி விவரங்களும் டி20-யில் இந்திய அணி தாதா என்பதற்கேற்ப ரோகித் சர்மா முதலில் நியூசிலாந்தை பேட் செய்ய அழைத்தார். ஆனால் மார்டின் கப்தில் (15 பந்துகளில் 31), ஆனால் புவனேஷ்வர் குமாரின் முதல் ஓவர் அற்புதம், நல்ல ஸ்விங் கப்டில் சரியாக ஆட முடியவில்லை. ஆனால் 3 பவுண்டரிகளை விளாசி கப்டில் 6 பந்துகளில் 14 என்று இருந்தார், அவருக்கு மிட் ஆனில் ராகுல் கேட்ச் ஒன்றையும் விட்டார்.

பனிப்பொழிவு ஆட்டம் தொடங்குவதற்கு முன்பே ஆரம்பித்து விட்டது. இதனால் பந்துகள் அருமையாக மட்டைக்கு வர கப்டில், டேரில் மிட்செல் (31) வெளுத்து வாங்க பவர் பிளேயில் 6 ஓவர்களில் 64 ரன்கள் என்று பின்னி எடுத்தனர், இரண்டு நேர் சிக்சர்களையும் கப்டில் அடித்தார்.

தீபக் சாகர் கப்டிலை நல்ல திசையில் வீசிய ஷார்ட் பிட்ச் பந்தில் வெளியேற்றினார். சிக்ஸ் அடித்தவுடன் அவரை வெளியேற்றுவது இரண்டாம் முறையாகும் இந்த வகையில் கப்டிலின் தடத்தை சரியாகப் புரிந்து வைத்துள்ளார் தீபக் சாகர்.

மீண்டும் அஸ்வின், ஒவ்வொரு பந்தையும் தன்னை ஒதுக்கிய கோலிக்கு சொல்லி காட்டுவது போல் அபாரத்துல்லியத்துடனும் சூட்சமமான மாற்றங்களுடனும் அற்புதமாக வீசினார். பந்தை ரிலீஸ் செய்யும் விதங்களை மாற்றிக்கொண்டே இருந்ததால் பிட்ச் பேட்டிங்குக்கு சாதகமாக இருந்தாலும் அஸ்வின் பந்துகள் மட்டைக்கு அடிக்கும் விதமாக வாகாக வரவில்லை. 19 ரன்களுக்கு 1 விக்கெட் என்று அசத்தினார். செய்ஃபர்ட் ரிவர்ஸ் ஸ்கூப் ஆட முயன்று கேட்ச் ஆனார்.

பிறகு ஐபிஎல் 2021 தொடரில் 33 விக்கெட்டுகளை எடுத்த ஹர்ஷல் படேல் வந்தார், ஸ்லோயர் ஒன் பந்துகளை உண்மையில் நியூசிலாந்து வீரர்களால் கணிக்க முடியவில்லை. இவர் 4 ஒவர்களில் 25 ரன்கள் கொடுத்து அபாய வீரர் கிளென் பிலிப்ஸ் விக்கெட்டையும் மிட்செலையும் வீழ்த்தினார்.

அக்சர் படேல் ஒருபுறம் கட்டுப்படுத்த நியூசிலாந்து அணி முதல் 6 ஓவரில் 64/1 பிறகு அடுத்த 14 ஓவர்களில் 89 ரன்களையே எடுத்து 5 விக்கெட்டுகளைப் பறிகொடுத்தனர், மொத்தம் 153 ரன்கள்தான். 180 சென்றிருக்க வேண்டிய ஸ்கோர்.
ஹர்ஷல் படேல், அஸ்வின், அக்சர் படேல் சேர்ந்து 12 ஓவர்களில் 70 ரன்களையே கொடுத்தனர். தீபக் சாகர், புவனேஷ்வர் குமார் 8 ஓவர்களில் 81 ரன்களைக் கொடுத்தனர்.

ரோகித் சர்மா, ராகுல் பிரமாத ஆட்டம்: இலக்கு பெரிதாக இல்லை என்பதால் ரோகித் சர்மா, ராகுல் எளிதாக ஆடினர். ராகுல்தான் பவர் ப்ளேயில் அதிகமாக பந்துகளைச் சந்தித்தார். 32 ரன்களை எடுத்தார். ட்ரெண்ட் போல்ட்டை அடித்த ஆஃப் டிரைவ், மற்றும் எக்ஸ்ட்ரா கவர் சிக்ஸ் அற்புதம்.

6 ஓவர்களில் இந்திய அணி 45 என்று இருந்தது, அடுத்ததாக இஷ் சோதி, மிட்செல் சாண்ட்னர் வீசிய 3 ஓவர்களில் பவுண்டரி வரவில்லை. ஆனால் அதன் பிறகு சாண்ட்னரை ஒரு சிக்ஸ் அடித்தார் ரோகித். மீண்டும் முன் காலை விலக்கிக் கொண்டு லாங் ஆனில் இன்னொரு சிக்ஸ்.

பிறகு மில்னே வந்தார், போல்ட் வந்தார், ராகுல், ரோகித் இருவரும் சேர்ந்து 2 ஓவர்களில் 26 ரன்களை சேர்த்தனர். 117 ரன்களை எட்டியபோது ராகுல் 65 ரன்களில் சவுத்தியிடம் வீழ்ந்தார், ரோகித் சர்மா 36 பந்துகளில் 1 பவுண்டரி 5 சிக்சர்களுடன் 55 ரன்களில் சவுதீயிடம் வீழ்ந்தார். அதே ஓவரில் சூரியகுமார் யாதவும் சவுதீயிடம் ஆட்டமிழந்து ஏமாற்றமளிக்க 137/ 3 என்று ஆனது.

வெங்கடேஷ் அய்யர் கொஞ்சம் பதற்றமாகக் காணப்பட்டார். 2 எட்ஜ் பவுண்டரிகள் அடித்தார். ஆனால் ரிஷப் பண்ட் இறங்கினார் நீஷமை அடுத்தடுத்து இரண்டு பெரிய சிக்சர்களை அடித்து ஆட்டத்தை முடித்தார், ஆட்ட நாயகன் ஹர்ஷல் படேல்.