Ind vs Eng Rishabh Pant-மெக்கல்லத்துக்கு ஷாக் கொடுத்த ரிஷப் பண்ட்: சச்சின், கவாஸ்கருக்குப் பிறகு சாதனை- தோனி ரெக்கார்டும் முறியடிப்பு

எட்ஜ்பாஸ்டன் டெஸ்ட் போட்டியில் இந்திய அணி 98/5-லிருந்து ரிஷப் பண்ட் மற்றும் ரவீந்திர ஜடேஜாவின் அபாரமான கூட்டணி 239 பந்துகளில் 222 ரன்களைச் சேர்க்க, ஆட்ட முடிவில் இந்தியா 338/7 என்று உள்ளது, ஜடேஜா 83 ரன்களுடனும் ஷமி ரன் எதுவும் எடுக்காமல் 11 பந்துகள் தாக்குப் பிடித்தும் களத்தில் உள்ளனர்.

அதிரடி மூலம் மெக்கல்லம் மட்டும்தான் பயமுறுத்துவாரா? நாங்கதான் இதை முதல்ல ஆரம்பிச்சு வச்சோம் என்று சொல்வதற்கு ஏற்ப மெக்கல்லத்துக்கே ஷாக் கொடுத்த அதிரடியைக் காட்டினார் ரிஷப் பண்ட். 111 பந்துகளி 19 பவுண்டரிகள் 4 சிக்சர்களுடன் பண்ட் 146 ரன்கள் எடுத்து ஜோ ரூட்டின் சொத்தைப் பந்தில் ஆட்டமிழந்தார். பவுண்டரிகளில் மட்டுமே 100 ரன்கள். இங்கிலாந்து பவுலிங்குக்கு இவ்வளவுதான் அவர் மதிப்பு.

ஆண்டர்சனை ரிவர்ஸ் ஸ்வீப், ஸ்வீப் என்று எல்லாம் ஆடிவிட்டார், பாட்ஸ் பந்துகளுக்கு பேக்ஃபுட் பஞ்ச்களை ஒதுக்கி வைத்திருந்தார், ஜாக் லீச்சுக்கு ஒரு கை சிக்ஸ் உட்பட டவுன் த ட்ராக் ஷாட்களை ஒதுக்கி வைத்தார், பென் ஸ்டோக்ஸின் ஷார்ட் பிட்ச் பந்துகளுக்கு கட், புல், ஹூக் ஷாட்களை ஒதுக்கி வைத்தார். 89 பந்துகளில் சதம் கண்டு இங்கிலாந்தில் அதிவேக சதம் கண்ட 2வது வீரர் ஆனார். 111 பந்துகளில் 146 ரன்கள் எடுத்த நிலையில் அவுட் ஆனதால் எட்ஜ்பாஸ்டனில் கில்கிறிஸ்டின் 152 ரன் அதிக ஸ்கோரை முறியடிக்க முடியவில்லை.

சில சுவையான புள்ளி விவரங்கள்: 222 ரன்கள் பண்ட்-ஜடேஜா கூட்டணி ரன்கள் 6வது விக்கெட்டுக்கு இணைந்த அதிகபட்ச கூட்டணியாகும். 58/5 என்ற நிலையிலிருந்து தென் ஆப்பிரிக்காவுக்கு எதிராக 222 ரன்கள் கூட்டனியை சச்சின் டெண்டுல்கரும், முகமது அசாருதீனும் தென் ஆப்பிரிக்காவில் எடுத்தனர். இரண்டு 6வது விக்கெட் பார்ட்னர்ஷிப்புமே அயல்நாட்டில் வந்ததே. அதிக 6வது விக்கெட் கூட்டணியில் லஷ்மண், அஜய் ராத்ரா வெஸ்ட் இண்டீஸுக்கு எதிராக 217, அஸ்வின், சஹா 213 வெஸ்ட் இண்டீசுக்கு எதிராக, தோனி, இர்பான் பதான் 210 ரன்கள் பாகிஸ்தானுக்கு எதிராக பைசலாபாத்தில்

பண்ட் ஜடேஜா இரட்டைச் சத கூட்டணி அமைப்பது இது முதல் முறையல்ல, 2019 சிட்னி டெஸ்ட்டில் இருவரும் 7வது விக்கெட்டுக்காக இரட்டைச் சத கூட்டணி அமைத்தனர்.

பண்ட்டின் 5 சதங்களில் 4 சதங்கள் ஆசியாவுக்கு வெளியே. 25 வயதுக்கு முன்னர் 4 சதங்களை அடித்ததில் சச்சின் 7 சதங்களையும் சுனில் கவாஸ்கர் 5 சதங்களையும் எடுத்துள்ளனர்.

அதேபோல் 89 பந்துகளில் பண்ட் அடித்த சதம் இங்கிலாந்து மண்ணில் இந்திய வீரர் ஒருவரின் 2வது அதிவேக சதமாகும். முன்னதாக 1990-ல் முகமது அசாருதீன் 87 பந்துகளில் லார்ட்ஸில் சதம் கண்டார்.

ரிஷப் பண்ட்டின் ஸ்ட்ரைக் ரேட் 131.53. ஸ்ட்ரைக் ரேட்டைப் பொறுத்த மட்டில் 2வது அதிவேக சதமாகும் இது. 77 பந்துகளில் 109 ரன்களை அசாருதீன் எடுத்த போது அவரது ஸ்ட்ரைக் ரேட் 141.55. இதை அசாருதீன் தென் ஆப்பிரிக்காவுக்கு எதிராக 1996-ல் விளாசிய போது நடந்தது.

2006-ல் தோனி பாகிஸ்தானுக்கு எதிராக 93 பந்துகளில் சதம் கண்டார். இதுதான் இந்திய விக்கெட் கீப்பரின் அதிவேக சதமாக இருந்தது. பண்ட் இதையும் முறியடித்தார். தோனி 6 சதங்கள் எடுத்துள்ளார், பண்ட் இதுவரை 5 இன்னும் வரும்.

டெஸ்ட் கிரிக்கெட்டில் 5ம் நிலையில் பேட் செய்த ரிஷப் பண்ட்டின் சராசரி 87, இதே நிலையில் ஒரு சதம் 4 அரைசதங்களை அவர் எடுத்துள்ளார். இவை அனைத்துமே 98 என்ற ஸ்ட்ரைக் ரேட்டில் எடுத்தது.

ஜாக் லீச்சுக்கு எதிராக பண்ட்டின் ஸ்ட்ரைக் ரேட் 161.53. அவரை 91 பந்துகள் எதிர்கொண்டு 147 ரன்கள் எடுத்திருக்கிறார்.

ஜாக் லீச்சுக்கு எதிராக பண்ட்டின் ஸ்ட்ரைக் ரேட் 161.53. அவரை 91 பந்துகள் எதிர்கொண்டு 147 ரன்கள் எடுத்திருக்கிறார். இதற்கு முன்னர் ஒரே பவுலருக்கு எதிராக அதிக ஸ்ட்ரைக் ரேட் வைத்திருப்பது ஷாகித் அஃப்ரீடி, இவர் இர்பான் பதானை 84 பந்துகளில் 147 ரன்கள் விளாசியுள்ளார் ஸ்ட்ரைக் ரேட் 175.