ENG vs IND: பீல்டிங் பெருமைக்குரியதாக இல்லை- ரோஹித் சர்மா கண்டிப்பு

இங்கிலாந்துக்கு எதிரான முதல் டி20 போட்டியில் ஹர்திக் பாண்டியாவின் ஆல்ரவுண்ட் ஆட்டத்தினாலும் சூரியகுமார், மற்றும் தீபக் ஹூடாவின் அட்டகாச பேட்டிங்கினாலும் பவுலிங்கில் செஹல், புவனேஷ்வர் குமார் அசத்தியதாலும் இந்திய அணி பெரிய வெற்றியை பெற்று 1-0 என்று முன்னிலை பெற்றது, ஆனால் கேட்ச்களை இந்தியா விட்டது, தினேஷ் கார்த்திக் கேட்ச்களை விட்டார்.

ஆட்டம் முடிந்து பரிசளிப்பு நிகழ்ச்சியில் பேசிய ரோஹித் சர்மா, பீல்டிங் குறித்து பெருமை கொள்ள எதுவும் இல்லை, இன்னும் மேம்பட வேண்டும் என்றார்.

“முதல் பந்திலிருந்தே அட்டகாசமான ஆட்டம். பிட்ச் பேட்டிங்குக்கு சாதகமாக இருந்தாலும் ஒவ்வொரு பேட்டரும் தீவிரம் காட்டினர். இந்தப் பிட்சில் ஷாட்களை ஆடலாம், பிட்சை நம்பலாம். எந்த இடத்திலும் ஓவராகப் போகாமல் ஆடினோம். கிரிக்கெட்டுக்குரிய ஷாட்களை ஆடினோம்.

அடிப்படைகளை நம்பி ஆடினால் பெரிய பிரச்சனை இல்லை. பவர் ப்ளே பேட்டிங்கில் தெளிவாக இருக்க வேண்டும். இந்த 6 ஓவர்களில் எப்படி ஆட வேண்டும் என்பதை விவாதிப்போம், சில வேளைகளி அது சரியாக வரும் சில வேளைகளில் வராது. ஹர்திக் பாண்டியா ஐபிஎல் முதல் இப்போது வரை தன்னைத் தயார் படுத்திக் கொள்வது பிரமாதமான ஒரு விஷயம்.

அவர் பவுலிங்கைத்தான் நான் பெரிதும் வரவேற்கிறேன். அவர் வேகமாக வீசினார், பல தினுசான பந்துகளையும் வீசி மாற்றம் காட்டினார். அவரது பேட்டிங்கையும் நாம் மறந்து விடலாகாது. அவர் பங்களிப்பை இன்னும் அதிகரிக்கவே விரும்புகிறார்.

பவர் ப்ளே பவுலிங் மிக முக்கியம், பவர் ப்ளேயில் அவர்களை எழும்பவிடக் கூடாது. அப்போதுதான் ஆட்டம் நம் கட்டுப்பாட்டில் இருக்கும். பீல்டிங் சொதப்பலாக இருக்கிறது, அது தொடர்பாக பெருமை கொள்ள எதுவும் இல்லை. கேட்ச்களை விட்டோம்.

அந்தக் கேட்ச்களை பிடித்திருக்க வேண்டும். பீல்டிங்கில் உயர் தரத்தை எட்ட விரும்புகிறோம், இந்தப் போட்டியில் செய்த பீல்டிங் விட்ட கேட்ச்கள் கண்டிப்பாக பெருமைக்குரியதாக இல்லை. இவ்வாறு கூறினார் ரோஹித் சர்மா.

ஆட்ட நாயகன் ஹர்திக் பாண்டியா அடித்த சிக்சர்.

ஹர்திக் பாண்டியா பவுண்டரி அடித்ததற்கு சாம் கரன் ரியாக்‌ஷ்ன்

ஹர்திக் பாண்டியா பேட்டிங்கில் 51 ரன்கள் விளாசியதோடு 4 விக்கெட்டுகளை 33 ரன்களுக்குக் கழற்றினார், இதில் ஒரே ஓவைல் 2 விக்கெட், அதில் லியாம் லிவிங்ஸ்டன் டக் அவுட்.