Ind vs Aus | ஒரே போட்டியில் 24 சிக்ஸர்கள் அடித்த பேட்ஸ்மேன் ஆஸ்திரேலிய அணியில் இணைகிறார்

இந்திய அணிக்கு எதிரான 2-வது போட்டியில் ஆஸ்திரேலிய அணியின் தொடக்க வீரர் டேவிட் வார்னா் காயமடைந்தார்.

இதனால் டி20 தொடரிலிருந்து அவர் விலகி உள்ளார். இருப்பினும் அவருக்கு பதிலாக மற்றொரு வீரரை ஆஸ்திரேலிய களமிறக்கி உள்ளது.

டிசம்பர் 4-ம் தேதி தொடங்க உள்ள டி20 டேவிட் வார்னருக்கு பதிலாக டார்சி ஷார்ட் அணியில் இடம்பிடித்துள்ளார். இடதுக்கை பேட்ஸ்மேனான இவர் அதிரடியாக விளைாயாடுவதில் பெயர் பெற்றவர்.

டார்சி ஷார்ட் 2018-ம் ஆண்டு தனது அதிரடியான ஆட்டத்தால் ஆஸ்திரேலியாவின் பல சாதனைகளை தகர்த்தார். உள்ளூர் போட்டி ஒன்றில் 148 பந்துகளில் 257 ரன்கள் குவித்தார். அந்தப் போட்டியில் 24 சிக்சர்கள் விளாசினார் என்பது குறிப்பிடதக்கது. ஆஸ்திரேலியாவில் இது மிகப் பெரிய வரலாற்று சாதனையாகும்.

ஒரு நாள் தொடரை 2-1 என்ற கணக்கில் ஆஸ்திரேலிய அணி வென்றுள்ள நிலையில் டி20 தொடரை கைப்பற்ற இந்திய அணி தீவிரம் காட்டி வருகிறது.