களத்தில் இறங்கிய சி.எஸ்.கே ரசிகர்கள்! பெருமைப்படும் சுரேஷ் ரெய்னா

ஐ.பி.எல். கிரிக்கெட் தொடரில் சென்னை சூப்பர் கிங்ஸ் - கிங்ஸ் லெவன் பஞ்சாப் அணிகள் மோதிய லீக் போட்டி சென்னை சேப்பாக்கம் மைதானத்தில் 6-ம் தேதி நடைபெற்றது.

இந்தப்போட்டியில் டாஸ் வென்று பேட்டிங்கைத் தேர்வு செய்த சென்னை அணி  20 ஓவர்கள் முடிவில் 3 விக்கெட்டுகளை இழந்து 160 ரன்கள் எடுத்தது.

இதையடுத்து விளையாடிய பஞ்சாப் அணி  20 ஓவர் முடிவில் 138 ரன்கள் மட்டுமே சேர்த்தது. இதனால் சென்னை சூப்பர் கிங்ஸ் அணி 22 ரன்கள் வித்தியாசத்தில் வெற்றி பெற்றது.

போட்டி முடிந்த பிறகே மைதானத்தில் கிடந்த குப்பைகளை சென்னை அணியின் Whistle Podu Army ரசிகர்கள் சுத்தம் செய்தனர்.

அவர்கள் மைதானத்தில் கிடந்த 10 கிலோவுக்கும் அதிகமான குப்பைகளைச் சுத்தம் செய்தனர். இந்த புகைப்படங்கள் சமூக வலைதளங்களில் வைரலாகி வருகிறது.

இந்த புகைப்படத்தை சென்னை அணியின் சுரேஷ் ரெய்னா தனது ட்விட்டர் பக்கத்தில் பகிர்ந்து,  ‘ரசிகர்களின் இந்த முயற்சியை பார்க்கும் போது பெருமையாக இருக்கிறது’ என்று பதிவிட்டுள்ளார்