இங்கிலாந்துக்கு எதிரான ஒரு நாள் தொடரை வெற்றியுடன் தொடங்கியது இந்தியா!

இந்தியாவில் சுற்றுப்பயணம் மேற்கொண்டுள்ள இங்கிலாந்து மகளிர் கிரிக்கெட் அணி 3 ஒரு நாள் மற்றும் 3 டி-20 போட்டிகள் கொண்ட தொடரில் விளையாடி வருகிறது. இரு அணிகள் இடையிலான முதல் ஒரு நாள் போட்டி மும்பை வான்கடே மைதானத்தில் நடைபெற்றது. (EnglandCricket)

டாஸ் வென்ற இங்கிலாந்து அணி பந்துவீச்சை தேர்வு செய்தது. அதன்படி களமிறங்கிய இந்திய அணியின் தொடக்க வீராங்கனைகள் ஜெமிமா, ஸ்மிரிதி மந்தனா ஜோடி நிதானமாக விளையாடியது. (ICC)

ஜெமிமா 48 ரன்களிலும், ஸ்மிரிதி மந்தனா 24 ரன்களிலும் ஆட்டமிழந்தனர். பின்னர் வந்த கேப்டன் மிதாலி ராஜ் 44 ரன்களில் அவுட்டானார். (ICC)

கடைசி கட்டத்தில் தனியா பாட்டியா (25), ஜூலன் கோஸ்வாமி (30) ஆகியோர் தங்கள் பங்கிற்கு கணிசமான ரன்களைச் சேர்க்க இந்திய அணி 49.4 ஓவர்களில் 202 ரன்களுக்கு ஆல் அவுட்டானது. (ICC)

எளிய இலக்கை நோக்கி களமிறங்கிய இங்கிலாந்து அணி முதல் 3 வீராங்கனைகளின் விக்கெட்டுகளை இழந்தது. பின்னர், கேப்டன் ஹேத்தர் நைட் - நடாலி ஜோடி அணியை சரிவில் இருந்து மீட்டது. இருப்பினும், இந்திய பந்துவீச்சை சமாளிக்க முடியாமல் இக்கிலாந்து அணி சீரான இடைவெளியில் விக்கெட்டுகளை இழந்தது. (ICC)

இறுதியில், 41 ஓவர்களில் 136 ரன்களுக்கு இங்கிலாந்து அணி ஆல் அவுட்டானது. கேப்டன் ஹேத்தர் நைட் மட்டும் 39 ரன்கள் எடுத்து கடைசி வரை ஆட்டமிழக்கமால் இருந்தார். (ICC)

இதனால் 66 ரன்கள் வித்தியாசத்தில் இந்திய அணி வெற்றி பெற்றது. (BCCI)

இந்தியா சார்பில், ஏக்தா பிஸ்த் 4 விக்கெட்டுகளையும், ஷிகா பாண்டே, தீப்தி சர்மா ஆகியோர் தலா 2 விக்கெட்டுகளையும் வீழ்த்தினர். (ICC)