அனுமதியின்றி மனைவியை தங்க வைத்த வீரர் இவரே... கோலி - ரோஹித் பிரச்னைக்கும் காரணமும் அதுவே...!

இந்திய அணியின் கேப்டன் விராட் கோலி, துணை கேப்டன் ரோஹித் சர்மா ஆகியோருக்கு இடையே பிரச்னையை தீர்க்க, பிசிசிஐயின் சி.இ.ஓ, அமெரிக்கா செல்ல இருக்கிறார். (Image: BCCI)

இங்கிலாந்தில் நடந்த உலகக்கோப்பை தொடரில் இந்திய அணி, அரையிறுதியில் தோல்வியடைந்து வெளியேறியது. தோல்விக்கு பல காரணங்கள் கூறப்பட்டாலும், முக்கியமான போட்டியில் முன்னணி வீரர்களான ரோஹித், கோலி ஆகியோர் சொதப்பியது ரசிகர்களை அதிருப்திக்கு உள்ளாக்கியது. (Image: ICC)

அணியின் தோல்வி குறித்து கேப்டன் கோலி மற்றும் பயிற்சியாளர் ரவி சாஸ்திரியிடம், பிசிசிஐ நிர்வாகக்குழு விசாரணை நடத்தியதாக தகவல்கள் கசிந்தது. ஆனால், அதிகாரப்பூர்வமாக இது பற்றி செய்திகள் வெளியாகவில்லை. (Twitter/Viratkohli)

உலகக்கோப்பை தோல்விக்கு பின்னர் இந்திய அணி மேற்கிந்திய தீவுகள் அணிக்கு எதிரான தொடரில் விளையாட உள்ளது. அமெரிக்காவில் நடக்கும் 2 டி20 போட்டிகளுக்காக இந்திய அணி, இன்று அமெரிக்கா புறப்படுகிறது. (Image: BCCI)

இதற்கிடையே, கேப்டன் கோலி மற்றும் ரோஹித் சர்மா இடையே பிரச்னை வெடித்திருப்பதாக செய்திகள் கூறின. விராட் கோலியின் இன்ஸ்டாகிராம் பக்கத்தை ரோஹித் அன்ஃபாலோ செய்தது இதனை உறுதியாக்கியது. கோலியின் மனைவி அனுஷ்கா சர்மாவும், போலிகள் தோன்றினால் உண்மை மவுனமாகத்தான் இருக்கும் என்று ஸ்டேட்டஸ் பதிவிட்டது மேலும் சந்தேகத்தை ஏற்படுத்தியது.

இருவருக்கும் இடையே என்ன பிரச்னை என்பதற்கான பதிலும் தற்போது வெளியாகியுள்ளது. உலக கோப்பை கிரிக்கெட் போட்டியின் போது இந்திய வீரர்களுடன் அவர்களது குடும்பத்தினர் 15 நாட்கள் தங்கிக்கொள்ள கிரிக்கெட் வாரியத்தின் நிர்வாக கமிட்டி அனுமதி வழங்கியது. அனுமதியை மீறி மூத்த வீரர் ஒருவர் உலக கோப்பை போட்டி நடந்த 7 வார காலமும் தனது மனைவியை தன்னுடன் தங்க வைத்திருந்ததாக கூறப்பட்டது.

பயிற்சியாளர் மற்றும் கேப்டனின் அனுமதி இல்லாமல் மனைவியை தங்கவைத்த வீரர் குறித்து பிசிசிஐ விசாரணை நடத்தியது. அந்த வீரர் ரோஹித் சர்மா என்று பிசிசிஐ வட்டாரங்கள் கூறுகின்றன. ரோஹித் தனது மனைவி மற்றும் மகளை தன்னுடனேயே 7 வார காலமும் தங்க வைத்ததாக புகார் கூறப்பட்டுள்ளது.

இந்த விஷயம் குறித்து கோலி, ரோகித் இடம் விசாரிக்கவே இருவருக்கும் இடையே பிளவு ஏற்பட்டதாக தற்போது தகவல்கள் வெளியாகி உள்ளது. மேலும் உலக கோப்பை தொடர் முடிந்து இந்திய அணி நாடு திரும்பும் போதும் கூட ரோகித் முன்னதாக தனது மனைவியுடன் தனியாக இந்தியா திரும்பினார்.

இருவருக்கும் இடையேயான பிரச்னை அணியின் முன்னேற்றத்தை பாதிக்கும் என்பதால், பிசிசிஐயின் சி.இ.ஓ, சில நாட்களில் அமெரிக்கா சென்று இருவரையும் நேரில் சந்தித்து சமாதானப்படுத்த உள்ளார்.

பிசிசிஐ நடத்த உள்ள இந்த பேச்சுவார்த்தையில் பயிற்சியாளர் ரவி சாஸ்திரியும் பங்கேற்கலாம் என்றும் கூறப்படுகிறது. (AFP)