உலகக் கோப்பைக்கு ரிஷப் பண்ட் ஏன் தேவை? நெஹ்ரா சொல்லும் 5 காரணங்கள்!

2019 உலகக் கோப்பை கிரிக்கெட் தொடர் வரும் மே மாதம் 30-ம் தேதி தொடங்க உள்ளது. இன்னும் சில மாதங்களே உள்ள நிலையில், இந்தத் தொடரில் இடம்பிடிக்க வீரர்கள் இடையே கடும் போட்டி நிலவி வருகிறது. (ICC)

உலகக் கோப்பைக்கான இந்திய அணியில் யாருக்கெல்லாம் இடம் கிடைக்கும் என்பது குறித்து முன்னாள் வீரர்கள் பலரும் கருத்து தெரிவித்து வருகின்றனர். (BCCI)

உலகக்கோப்பை அணியில் ரிஷப் பண்ட் இடம்பெற வேண்டும் என்று நெஹ்ரா கருத்து தெரிவித்துள்ளார். அவர் பேசுகையில், “ஓர் அணியில் நிறைய சிறந்த வீரர்கள் இருப்பார்கள். ஆனால், உலகக் கோப்பை போன்ற பெரிய தொடரில் சில வீரர்கள் நிச்சயம் தேவை. ரிஷப் பண்ட் ஒரு சிறந்த வீரர் என்பதைத் தாண்டி அவர் ஒரு மேட்ச் வின்னர். அவர் நிச்சயம் உலகக் கோப்பை அணிக்கு தேர்வு செய்யப்பட வேண்டும்,” என்று தெரிவித்தார். (Getty Images)

அத்துடன், இந்திய அணியில் ரிஷப் பண்ட் இருக்க வேண்டும் என்பதற்கு நெஹ்ரா 5 முக்கியமான காரணங்களைக் கூறியுள்ளார். (AFP)

இந்திய அணியின் பேட்டிங் வரிசையில் இருக்கும் முதல் 7 பேரில் ஷிகர் தவான் மட்டுமே இடது கை பேட்ஸ்மேன். ரிஷப் பண்ட் இருந்தால் இந்திய அணிக்கு கூடுதல் பலமாக இருக்கும்.

ரிஷப் பண்ட், எந்த வரிசையிலும் விளையாடக் கூடிய திறமை கொண்டவர். விராட் கோலி அவரை எப்படி வேண்டுமானாலும் பயன்படுத்திக் கொள்ளலாம்.

‘ஹிட்மேன்’ ரோகித் சர்மாவுக்கு அடுத்து, இக்கட்டான சூழலிலும் மிகவும் சாதாரணமாக சிக்ஸர் அடிக்கக் கூடியவர் ரிஷப் பண்ட்.

அம்பத்தி ராயுடு, கேதர் ஜாதவ், தினேஷ் கார்த்திக் உள்ளிட்டோர் சிறந்த வீரர்கள்தான். ஆனால், அணிக்கு ஒரு குறிப்பிட்ட வீரர் நிரந்தரமாக தேவை என்றால் அது ரிஷப் பண்ட்தான். (BCCI)

இந்திய அணியைப் பொறுத்தவரை விராட் கோலி, ரோகித் சர்மா, பும்ரா ஆகிய மூன்று பேர் தற்போது மேட்ச் வின்னர்களாக உள்ளனர். என்னைப் பொறுத்தவரை, அந்த வரிசையில் 4-வதாக ரிஷப் பண்ட் இருப்பார் என்பதில் சந்தேகமில்லை. (Image AP)