நினைவுகள் 2022 : ஊக்கமருந்து சர்ச்சையில் சிமோனா ஹாலெப்.. பிசிசிஐ தலைவரான ரோஜர் பின்னி.. அக்டோபர் மாதம் மறக்க முடியாத நினைவுகள்

அக்டோபர் 11: 1983 உலகக் கோப்பை வென்ற இந்திய அணியில் இடம்பிடித்த ரோஜர் பின்னி இந்திய கேப்டன் சவுரவ் கங்குலிக்குப் பிறகு பிசிசிஐ தலைவராக பொறுப்பெற்றார்.

அக்டோபர் 15: பெண்கள் ஆசியக் கோப்பை இந்திய மகளிர் அணி 8 விக்கெட் வித்தியாசத்தில் இலங்கை அணியை வீழ்த்தி 7வது முறையாக ஆசிய கோப்பையை கைப்பற்றியது இந்தியா

அக்டோபர் 19: மான்செஸ்டர் யுனைடெட் வீரர் மேசன் கிரீன்வுட் பாலியல் வழக்கில் நான்கு நாட்களுக்கு பிறகு ஜாமீன் பெற்றார்.

அக்டோபர் 21: ருமேனியா வீராங்கனை சிமோனா ஹாலெப் ஊக்கமருந்து பயன்படுத்தியதற்காக தற்காலிகமாக இடைநீக்கம் செய்யப்பட்டார்.

அக்டோபர் 23: ஆஸ்திரேலியாவில் நடைபெற்ற டி20 உலக கோப்பை தொடரில் மெல்போனில் நடைபெற்ற இந்தியா -பாகிஸ்ஹான் போட்டி த்ரிலாக அமைந்தது. இந்திய அணி தொடர்ந்து விக்கெட்டுகளை இழந்து வந்தபோது விராட் கோலி கடைசி ஓவர் வரை அதிரடியாக விளையாடி சிறந்த டி20 போட்டி இன்னிங்சாக மாற்றி அமைத்து வரலாறு படைத்தார்

அக்டோபர் 30: உலக ஜூனியர் பேட்மிண்டன் உலக சாம்பியன்ஷிப் போட்டியில் சங்கர் முத்துசாமி வெள்ளி வென்றார்

அக்டோபர் 30: பிரெஞ்ச் ஓபன் சூப்பர் இந்திய நட்சத்திர ஜோடியான சாத்விக்சாய்ராஜ் ரங்கிரெட்டி மற்றும் சிராக் ஷெட்டி, ஆடவர் இரட்டையர் பிரிவு இறுதிப்போட்டியில் சீன தைபேயின் லு சிங் யாவ் மற்றும் யாங் போ ஹான் ஜோடியை நேருக்கு நேர்  செட்டில் வீழ்த்தி வென்றனர்.

அக்டோபர் 30: நவி மும்பையில் உள்ள டி.ஒய்.பாட்டீல் மைதானத்தில் நடைபெற்ற யு-17 மகளிர் உலகக் கோப்பை இறுதிப்போட்டியில் ஸ்பெயின் 1-0 என்ற கோல் கணக்கில் கொலம்பியாவை வீழ்த்தி சாம்பியன் பட்டத்தை கைப்பற்றியது.