நினைவுகள் 2022 : டி20 உலக கோப்பையை கைப்பற்றிய இங்கிலாந்து அணி முதல் ஒரே ஓவரில் 7 சிக்சர் அடித்த ருத்துராஜ் வரை.. நவம்பர் மாத விளையாட்டு அதிசயங்கள்

நவம்பர் 4: கொரியாவின் சியோங்ஜூவில் நடைபெற்ற ஆசிய  சாம்பியன்ஷிப் போட்டியில் சவுரவ் கோசல் மற்றும் ரமித் தந்தோர் அடங்கிய இந்திய ஆடவர் ஸ்குவாஷ் அணி தனது முதல் தங்கப் பதக்கத்தை வென்றது.

நவம்பர் 6: டோக்கியோவில் நடைபெற்ற BWF பாரா-பேட்மிண்டன் உலக சாம்பியன்ஷிப் போட்டியின் ஒற்றையர் பிரிவில் பிரமோத் பகத் மற்றும் மனிஷா ராமதாஸ் தங்கப் பதக்கம் வென்றனர். SL3 இறுதிப் போட்டியில், பகத் சகநாட்டவரான நித்தேஷ் குமாரை தோற்கடித்தார், அதே நேரத்தில் மனிஷா SU5 இறுதிப் போட்டியில் ஜப்பானிய மாமிகோ டொயோடாவை வீழ்த்தினார்.

நவம்பர் 13: 8வது டி20 உலககோப்பை  தொடரின் மெல்போர்னில் நடந்த இறுதிப் போட்டியில் பாகிஸ்தானை 5 விக்கெட் வித்தியாசத்தில் வீழ்த்தி இங்கிலாந்து  சாம்பியன் ஆனது.

நவம்பர் 20: 2022 FIFA உலகக் கோப்பையின் தொடக்க ஆட்டத்தில் ஈக்வடார்  2-0 என்ற கோல் கணக்கில் கத்தாரை வீழ்த்தியது

நவம்பர் 22: கத்தார் உலக கோப்பை கால்பந்து லீக் சுற்றில் முதல் போட்டியில் சவுதி அரேபியா - அர்ஜெண்டினா அணிகள் மோதின. இதில் சவுதி அரேபியா அணி 2-1 என்ற கணக்கில் பலம் வாய்ந்த அர்ஜெண்டினா அணியை வீழ்த்தியது .

நவம்பர் 22: கிறிஸ்டியானோ ரொனால்டோ மான்செஸ்டர் யுனைடெட் கிளப்பை விட்டு அதிகாரப்பூர்வமாக வெளியேறினார்.

நவம்பர் 28: விஜய் ஹசாரே டிராபியின் காலிறுதிப் போட்டியில் உத்தரப் பிரதேசத்துக்கு எதிராக போட்டியில் மகாராஷ்டிரா அணியின் ருதுராஜ் கெய்க்வாட் ஒரு ஓவரில் 7 சிக்ஸர்களை அடித்து உலக சாதனை படைத்தார். மேலும் 50 ஓவர் கிரிக்கெட்டில் ஒரே ஓவரில் 43 ரன்கள் எடுத்த முதல் வீரர் என்ற பெருமையை ருதுராஜ் பெற்றுள்ளார்.