பகல் பத்து 5ம் நாள்: ரத்தின பாண்டியன் கொண்டை அலங்காரத்தில் எழுந்தருளிய நம்பெருமாள்

அருள்மிகு ஸ்ரீரங்கம் ரங்கநாதர் திருக்கோயில், வைகுண்ட ஏகாதசி
பெருவிழா, பகல் பத்து ஐந்தாம் திருநாள் இன்று. (டிசம்பர் 27)

108 திவ்யத் தேசங்களில் முதன்மையானதும், பூலோக வைகுண்டம் என்று போற்றப்படுவதுமான திருத்தலம், ஸ்ரீரங்கம் அருள்மிகு ரங்கநாதர் கோயில். இக்கோயிலில் ஆண்டு முழுவதுமே விழாக்கள் நடைபெற்றாலும் கூட, வைகுண்ட ஏகாதசி பெருவிழா சிறப்பு வாய்ந்த திருவிழாவாக விளங்கி வருகிறது.

அந்த வகையில் பகல் பத்தின் 5ஆம் நாளான இன்று ரத்தின பாண்டியன் கொண்டை அணிந்து பக்தர்களுக்கு காட்சியளித்தார்.

இந்நிலையில் அர்ஜுன மண்டபத்தில் இன்று நம்பெருமாள், அரங்கனையன்றி மற்று தெய்வம் அறியா தொண்டரடிப் பொடியாழ்வாரின் திருமாலை பாசுரத்திற்கு ஏற்ப, ரத்தின பாண்டியன் கொண்டை அணிந்து, ஸ்ரீரங்க விமான பதக்கம்  (பெரியபெருமாள், நம்பெருமாள், உபயநாச்சிமார்கள், பரவாசுதேவர், விபீஷணன், துவாரபாலகர்கள் என, 8 திருமேனிகள் பதிக்கப் பெற்றது) அணிந்து எழுந்தருளினார்.

அத்துடன் அடுக்குப் பதக்கங்கள், சிகப்புக்கல் அபய ஹஸ்தத்துடன், பச்சை வர்ண வஸ்திரம், 6 வடம் பெரிய முத்துச்சரம் சாற்றி,
பின் சேவையாக - அண்டபேரண்ட பக்க்ஷி பதக்கம், புஜகீர்த்தி கைகளில் சாற்றி, சேவை சாதித்தார்.

கம்பீரமாக ரத்தின பாண்டியன் கொண்டை அலங்காரத்தில் எழுந்தருளிய நம்பெருமாள்

ரத்தின பாண்டியன் கொண்டை அலங்காரம்

ரத்தின காது காப்பு, புஜகீர்த்தி, ரத்ன அபயஹஸ்தம், முத்துச்சரம், அடுக்கு பதக்கம் உள்ளிட்டவைகளை அணிந்து வந்து அருள் பளித்தார்

ரங்க விமான பதக்கம்,

அபயஹஸ்தம்

பெருமாள்