Photos | திருப்பதி பிரம்மோற்சவத்தின் எட்டாவது நாளான இன்று சர்வ பூபால வாகனசேவை

திருப்பதி ஏழுமலையில் பிரம்மோற்சவத்தின் எட்டாவது நாளான இன்று கொரோனா காரணமாக வழக்கமாக நடைபெற வேண்டிய தேரோட்டத்திற்கு பதில் காலை 8 மணி முதல் 9 மணி வரை சர்வ பூபால வாகன சேவை நடைபெற்றது.

திருப்பதி ஏழுமலையான் கோவில் வருடாந்த பிரம்மோற்சவத்தின் எட்டாவது நாள் காலை தேரோட்டம் நடைபெறுவது வழக்கம்..

ஆனால் தற்போதைய நிலையில் தேரோட்டம் நடத்த அனுமதி இல்லை. எனவே பிரம்மோற்சவத்தின் எட்டாவது நாளாக இன்று தேரோட்டத்திற்கு மாற்றாக சர்வ பூபால வாகன சேவை நடைபெற்றது.

இதன் மூலம் அகில உலகங்களையும் ஆட்சி செய்யும் சர்வ பூ பாலகர் ஆன ஏழுமலையானை இந்த உலகில் இருக்கும் அனைத்து அரசர்களும் ( சர்வபூபாலகர்கள்) சாமி வாகனமாக மாறி தங்கள் தோளில் சுமந்து உற்சவம் நடத்துவதாக ஐதீகம்.

இன்று காலை சர்வ திருவாபரண அலங்காரத்துடன் சர்வ பூபால வாகனத்தில் எழுந்தருளிய ஸ்ரீதேவி பூதேவி சமேத மலையப்ப சுவாமிக்கு தீப தூப நைவேத்தியம் சமர்ப்பிக்கப்பட்டது.

இதைத்தொடர்ந்த சம்பிரதாய ரீதியான கைங்கரியங்களுடன் ஏழுமலையானின் சர்வ பூபால வாகன சேவை நடைபெற்றது.

சர்வ பூபால வாகனசேவையில் ஸ்ரீதேவி பூதேவி உடன் காட்சி தரும் ஏழுமலையான்.