வைகுண்ட ஏகாதசி: திருப்பதி மலையில் தங்க தேரில் வலம் வந்த ஏழுமலையான்..! - ஆயிரக்கணக்கான பக்தர்கள் தரிசனம்!

வைகுண்ட ஏகாதசியை முன்னிட்டு ஏழுமலையானின் தங்க தேரோட்டம் திருப்பதி மலையில் உள்ள கோவில் மாட வீதிகளில் காலை 9 மணிக்கு துவங்கி நடைபெற்றது.

தங்க தேரோட்டத்தை முன்னிட்டு உற்சவர் மலையப்ப சுவாமி ஸ்ரீதேவி பூதேவி சமேதராக கோவிலில் இருந்து புறப்பட்டு தங்கத்தேர் மீது எழுந்தருளினார்.

அங்கு உற்சவர்களுக்கு தீப, தூப, நெய்வேத்திய சமர்ப்பணம் நடத்தப்பட்டது.

தொடர்ந்து நடைபெற்ற பலி ஆகியவை உள்ளிட்ட நிகழ்ச்சிகளுக்கு பின் பக்தர்கள் வடம் பிடிக்க கோவில் மாட வீதிகளில் ஏழுமலையானின் தங்க தேரோட்டம் கோலாகலமாக நடைபெற்றது.

அப்போது மாட வீதிகளில் காத்திருந்த பல்லாயிரக்கணக்கான பக்தர்கள் கோவிந்தா, கோவிந்தா என்று விண்ணதிர கோஷம் எழுப்பி தங்கத்தேரில் எழுந்தருளிய ஏழுமலையானை வழிபட்டனர்.

தங்க தேரில் வலம் வந்த ஏழுமலையான்

தங்க தேரினை இழுத்து வரும் பக்தர்கள்

யானைகள் புடை சூழ வரும் ஏழுமலையானின் தங்க தேர்