திருப்பதி ஏழுமலையான் கோவிலில் தைமாத பவுர்ணமி கருட சேவை.! விண்ணை பிளந்த ’கோவிந்தா’ முழக்கம்..!

திருப்பதி ஏழுமலையான் கோவிலில் ஒவ்வொரு மாத பௌர்ணமி அன்று தங்க கருட வாகனத்தில் மலையப்ப சுவாமி எழுந்தருளி பக்தர்களுக்கு அருள்பாலிப்பது வழக்கம்.

இந்நிலையில் நேற்று தை மாத பவுர்ணமியை முன்னிட்டு இரவு கோவிலில் இருந்து புறப்பட்டு வாகன மண்டபத்தை அடைந்த மலையப்ப சுவாமி தங்க கருட வாகனத்தில் எழுந்தருளி நான்கு மாட வீதிகளில் ஊர்வலம் கண்டு பக்தர்களுக்கு அருள்பாலித்தார்.

அப்போது பக்தர்கள் மாடவீதிகளில் காத்திருந்து ஏழுமலையானின் கருட வாகன சேவையை கண்டு தரிசனம் செய்தனர்.

அப்போது தங்கக் கருட வாகனத்தில் உற்சவர் மலையப்பசாமி தங்க, வைர நகைகள் அலங்காரத்தில் எழுந்தருளி கோவிலில் நான்கு மாடவீதிகளில் உலா வந்து பக்தர்களுக்கு அருள்பாலித்தார்.

கருட வாகனத்தில் உலா வந்த மலையப்பசுவாமியை பக்தர்கள் கோவிந்தா முழக்கமிட்டு தரிசனம் செய்தனர்.

ஏழுமலையானின் தை மாத கருட சேவை சிறப்பாக நடைபெற்றது.