ஹோம் » போடோகல்லெரி » ஆன்மிகம் » ஸ்ரீரங்கம் சொர்க்கவாசல் இன்று திறப்பு... பெருமாளின் அழகிய போட்டோஸ்!

ஸ்ரீரங்கம் சொர்க்கவாசல் இன்று திறப்பு... பெருமாளின் அழகிய போட்டோஸ்!

Vaikunta Ekadashi | "ரங்கா.. கோவிந்தா..."கோஷங்கள் முழங்க ஸ்ரீரங்கம் சொர்க்கவாசல் இன்று திறக்கப்பட்து.  அதில் பல்லாயிரக்கணக்கான பக்தர்கள் பங்கேற்றனர். (செய்தியாளர்: விஜயகோபால், திருச்சி)

  • 115

    ஸ்ரீரங்கம் சொர்க்கவாசல் இன்று திறப்பு... பெருமாளின் அழகிய போட்டோஸ்!

    ஸ்ரீரங்கம் ரங்கநாதர் கோயில் வைகுண்ட ஏகாதசி பெருவிழாவின் முக்கிய நிகழ்வான சொர்க்கவாசல் திறப்பு வைபவத்தில், நம்பெருமாள் பரமபத வாசலை கடந்தபோது, ஆயிரக்கணக்கான பக்தர்கள் ஒரே நேரத்தில், "ரங்கா.. ரங்கா.. கோவிந்தா.. கோவிந்தா.." என்ற கோஷத்துடன் தரிசனம் செய்தனர்.

    MORE
    GALLERIES

  • 215

    ஸ்ரீரங்கம் சொர்க்கவாசல் இன்று திறப்பு... பெருமாளின் அழகிய போட்டோஸ்!

    வைணவ திவ்ய தேசங்கள் 108ல் முதன்மையானதும், பூலோக வைகுண்டம் என்று போற்றப்படுவதுமான திருத்தலம் திருச்சி ஸ்ரீரங்கம் ரங்கநாதர் கோயில். இங்கு ஆண்டு முழுவதுமே திருவிழாக்கள் நடைபெற்றாலும், ஆண்டுதோறும் மார்கழி மாதம் நடைபெறும் வைகுண்ட ஏகாதசி பெருவிழா, உலகப் பிரசித்திப் பெற்றது.

    MORE
    GALLERIES

  • 315

    ஸ்ரீரங்கம் சொர்க்கவாசல் இன்று திறப்பு... பெருமாளின் அழகிய போட்டோஸ்!

    இத்தகைய சிறப்புமிக்க வைகுண்ட ஏகாதசி பெருவிழா கடந்த மாதம், 22ம் தேதி திருநெடுந்தாண்டகம் வைபவத்துடன் தொடங்கியது. பகல்பத்து உற்சவம், 23ம் தேதி தொடங்கியது. தினந்தோறும் நம்பெருமாள் சிறப்பு அலங்காரத்தில் அர்ச்சுன மண்டபத்தில் எழுந்தருளி பக்தர்களுக்கு சேவை சாதித்தார்.

    MORE
    GALLERIES

  • 415

    ஸ்ரீரங்கம் சொர்க்கவாசல் இன்று திறப்பு... பெருமாளின் அழகிய போட்டோஸ்!

    திருமொழித் திருவிழா எனப்படும் பகல்பத்து உற்சவத்தில், நம்பெருமாள் முன்பு, நாலாயிர திவ்விய பிரபந்தத்தில் உள்ள தீந்தமிழ் பாடல்களை அரையர்கள் அபிநயத்துடன் பாடினர்.

    MORE
    GALLERIES

  • 515

    ஸ்ரீரங்கம் சொர்க்கவாசல் இன்று திறப்பு... பெருமாளின் அழகிய போட்டோஸ்!

    பகல் பத்து நிகழ்ச்சியின் நிறைவு நாளான நேற்று  நம்பெருமாள், நாச்சியார் திருக்கோலம் எனப்படும் மோகினி அலங்காரத்தில் எழுந்தருளினார். மோகினி அலங்காரத்தை தரிசிப்பதற்காக உள்ளூர், வெளியூர், வெளிமாவட்டங்களிலிருந்து லட்சக்கசக்கான பக்தர்கள் கோயிலில் குவிந்தனர்.

    MORE
    GALLERIES

  • 615

    ஸ்ரீரங்கம் சொர்க்கவாசல் இன்று திறப்பு... பெருமாளின் அழகிய போட்டோஸ்!

    விழாவின் முக்கிய நிகழ்ச்சியான சொர்க்கவாசல் திறப்பு இன்று அதிகாலை, 4.46 மணிக்கு நடைபெற்றது. முன்னதாக, அதிகாலை, 3.30 மணிக்கு நம்பெருமாள் மூலஸ்தானத்தில் இருந்து, விருச்சிக லக்னத்தில், ரத்தின அங்கி, பாண்டியன் கொண்டை, ஆண்டாள் கிளிமாலை உட்பட பல்வேறு திருவாபரணங்கள் அணிந்து புறப்பாடு கண்டருளினர்.

    MORE
    GALLERIES

  • 715

    ஸ்ரீரங்கம் சொர்க்கவாசல் இன்று திறப்பு... பெருமாளின் அழகிய போட்டோஸ்!

    அதன்பின், ராஜமகேந்திரன் சுற்றை வலம் வந்து, நாழிக்கேட்டான் வாசல் வழியாக குலசேகரன் திருச்சுற்றில் உள்ள தங்கக்கொடி மரத்தை சுற்றினார். துரைப்பிரகாரம் வழியாக சென்ற நம்பெருமாள், விரஜாநதி மண்டபத்தில் பட்டர்களின் வேத விண்ணப்பங்களை கேட்டருளினார். காலை, 4.46 மணிக்கு சொர்க்கவாசல் எனப்படும் பரமபதவாசல் திறக்கப்பட்டது.

    MORE
    GALLERIES

  • 815

    ஸ்ரீரங்கம் சொர்க்கவாசல் இன்று திறப்பு... பெருமாளின் அழகிய போட்டோஸ்!

    அங்கு காத்திருந்த பக்தர்கள் வெள்ளத்துடன் நம்பெருமாள் சொர்க்கவாசலை கடந்தார். அப்போது பல்லாயிரக்கணக்கான பக்தர்கள் ஒரே நேரத்தில், "ரங்கா.. ரங்கா.. கோவிந்தா.. கோவிந்தா.." கோஷங்கள் முழங்க நம்பெருமாளை தரிசனம் செய்தனர்.

    MORE
    GALLERIES

  • 915

    ஸ்ரீரங்கம் சொர்க்கவாசல் இன்று திறப்பு... பெருமாளின் அழகிய போட்டோஸ்!

    அமைச்சர் சேகர் பாபு, ஆட்சியர் பிரதீப் குமார், காவல்துறை ஆணையர் கார்த்திகேயன், மாநகராட்சி ஆணையர் வைத்திநாதன் உள்ளிட்டோர் பங்கேற்றனர். தொடர்ந்து, சந்திர புஷ்கரணி குளம் அருகே அமைக்கப்பட்டுள்ள பூந்தட்டிகள் வழியாக, ஆலிநாடான் திருச்சுற்றில் உள்ள மணல்வெளி வழியே அகளங்கன் திருச்சுற்றில் உள்ள ஆயிரங்கால் மண்டபத்திற்கு எதிரே அமைக்கப்பட்டுள்ள திருக்கொட்டகையில், காலை, 5 மணிக்கு நம்பெருமாள் எழுந்தருளி பக்தர்களுக்கு காட்சியளித்தார்.

    MORE
    GALLERIES

  • 1015

    ஸ்ரீரங்கம் சொர்க்கவாசல் இன்று திறப்பு... பெருமாளின் அழகிய போட்டோஸ்!

    அதன்பின்னர், ஆயிரங்கால் மண்டபத்தில் உள்ள திருமாமணி மண்டபத்திற்கு காலை, 8 மணிக்கு எழுந்தருளினார். அங்கிருந்தபடியே நள்ளிரவு வரை பக்தர்களுக்கு சேவை சாதிக்கிறார். இன்றிரவு (2ம் தேதி), 12 மணிக்கு திருமாமணி மண்டபத்தில் இருந்து புறப்பட்டு, வீணை வாத்தியத்துடன் அதிகாலை, 1.15 மணிக்கு மூலஸ்தானம் சென்றடைகிறார்.

    MORE
    GALLERIES

  • 1115

    ஸ்ரீரங்கம் சொர்க்கவாசல் இன்று திறப்பு... பெருமாளின் அழகிய போட்டோஸ்!

    சொர்க்கவாசல் திறப்பை முன்னிட்டு, இன்று திருச்சியில் உள்ளூர் விடுமுறை அறிவித்து, மாவட்ட ஆட்சியர் பிரதீப்குமார் உத்தரவிட்டுள்ளார். சொர்க்கவாசல் திறப்பையொட்டி, திருச்சி உள்பட  பல்வேறு மாவட்டங்களை சேர்ந்த, 4 ஆயிரம் போலீசார் பாதுகாப்புப் பணியில் ஈடுபடுத்தப்பட்டுள்ளனர்.

    MORE
    GALLERIES

  • 1215

    ஸ்ரீரங்கம் சொர்க்கவாசல் இன்று திறப்பு... பெருமாளின் அழகிய போட்டோஸ்!

    வெடிகுண்டு கண்டறியும்  நிபுணர்கள் மற்றும் காவல்துறையினர் உரிய உபகரணங்களுடன் பணியில் ஈடுபட்டுள்ளனர்.
    மேலும், ஸ்ரீரங்கம் கோயில் மற்றும் அதன் சுற்றுப்புற பகுதிகள் காவல்துறையினரின் பாதுகாப்பு வளையத்திற்குள் கொண்டு வரப்பட்டுள்ளது.

    MORE
    GALLERIES

  • 1315

    ஸ்ரீரங்கம் சொர்க்கவாசல் இன்று திறப்பு... பெருமாளின் அழகிய போட்டோஸ்!

    கண்காணிப்பு கோபுரங்கள் மற்றும் கண்காணிப்பு கேமராக்கள் மூலம், 24 மணி நேரமும் போலீசார் கண்காணிப்பு பணியில் ஈடுபட்டுள்ளனர். சொர்க்கவாசல் திறப்பையொட்டி பல்லாயிரக்கணக்கான பக்தர்கள் ஸ்ரீரங்கத்தில் குவிந்துள்ளதால், அரங்க மாநகர் என்றழைக்கப்படும் ஸ்ரீரங்கம் திருவிழாக் கோலம் பூண்டுள்ளது.

    MORE
    GALLERIES

  • 1415

    ஸ்ரீரங்கம் சொர்க்கவாசல் இன்று திறப்பு... பெருமாளின் அழகிய போட்டோஸ்!

    சொர்க்கவாசல், இன்று (2ம் தேதி) முதல், 7ம் தேதி வரை, பகல், 1 மணி முதல், இரவு, 8 மணி வரை திறந்திருக்கும். 8ம் தேதி மாலை, 4 மணி முதல், இரவு, 8.30 மணி வரை திறந்திருக்கும். 9ம் தேதி சொர்க்கவாசல் திறப்பு இல்லை. சொர்க்கவாசல் திறப்பு தினமான, 2ம் தேதி முதல், ராப்பத்து எனப்படும் திருவாய்மொழி திருநாள் தொடங்குகிறது.

    MORE
    GALLERIES

  • 1515

    ஸ்ரீரங்கம் சொர்க்கவாசல் இன்று திறப்பு... பெருமாளின் அழகிய போட்டோஸ்!

    ராப்பத்தின் ஒவ்வொரு நாளும் உற்சவர் நம்பெருமாள் வெவ்வேறு அலங்காரத்தில் ஆயிரங்கால் மண்டபத்தின் நடுவே உள்ள திருமாமணி ஆஸ்தான மண்டபத்தில் எழுந்தருளி பக்தர்களுக்கு சேவை சாதிப்பார். ராப்பத்து ஏழாம் திருநாளான, 8ம் தேதி நம்பெருமாள் திருக்கைத்தல சேவையும், எட்டாம் திருநாளான, 9ம் தேதி திருமங்கை மன்னன் வேடுபறி நிகழ்ச்சியும், பத்தாம் திருநாளான, 11ம் தேதி தீர்த்தவாரியும், 12ம் தேதி நம்மாழ்வார் மோட்சத்துடன் வைகுண்ட ஏகாதசி பெருவிழா நிறைவு பெறுகிறது.

    MORE
    GALLERIES