Pongal 2023: பொங்கல் திருநாளில் செய்ய வேண்டியவைகள்...!

சுப நாட்களில் வீட்டு வாசலில் நிறை குடம் வைப்பதன் மூலம் சகல செல்வங்களும் வீட்டில் நிரம்பப்பெற்று இருக்கும் எனவும் இதை மங்களத்தின் அறிகுறியாக நம் முன்னோர்கள் கூறியுள்ளனர். அதனால்  பொங்கல் திருநாள் அன்று வீட்டில் நிறைகுடம் வைப்பது நல்லது. இதனால் நம் வீட்டிற்கு லட்சுமி  வருகை தருவாள் என்பது நம்பிக்கை.

பொங்கல் அன்று அதிகாலையில் எழுந்து குளித்து விட வேண்டும். அப்படி எழுவதால் உடல் சுறுசுறுப்படையும், ஆரோக்யமாக இருக்கும். மனஅழுத்தம் இல்லாமலும், பரபரப்பில்லாமலும் காரியங்கள் சிறப்பாக முடியும். உடலுக்கும், உள்ளத்துக்கும் ஊட்டம் தரும்.

மாவிலை ஒரு கிருமிநாசினி. அதனால் அன்று வீட்டின் முற்றத்தில் அதை கட்டி விட வேண்டும். இதற்கு துர் தேவதைகளை வீட்டிற்குள் நுழைய விடாமல் தடுக்கும் சக்தியும் உண்டு. மேலும் மாவிலை அழுகுவது கிடையாது. முறையாக காய்ந்து உலரும்.

வீட்டின் முற்றத்தை பசுவின் சாணத்தால் மொழுகுதல் நல்லது.பொங்கல் வைக்க்கும் பொங்கல் பானையை நன்றாக  அலங்காரம் செய்ய்தல் நல்லது.

பொங்கல் அன்று வீட்டில் வண்ண கோலங்கள் போடுவது நல்லது.மேலும் இந்நாளில் வெல்லம், பால் கலந்த சாதம் சாப்பிட்டு வந்தால் சூரியனின் அருள் கிட்டும், ஜாதக தோஷங்கள் தீரும்.

அன்னதானம் செய்ய வேண்டும். அப்படி செய்வதால் பல நன்மைகள் கிடைப்பதுடன் பிரச்சனைகளில் இருந்தும் விடுப்படலாம்.. எனவே இந்த நாளில் ஏழைகளுக்கு ஒரு போர்வை அல்லது உணவை தானம் செய்யுங்கள்.