நாளை சனி ஜெயந்தி... இந்த பொருட்களை மட்டும் வாங்கவே வேண்டாம்...!

ஒருவரின் ஆயுளை தீர்மானிக்கக் கூடியவராக இருக்கும் சனி பகவானே, நீதி, நேர்மை, மோட்சம் உள்ளிட்டவைகளுக்கு காரணமானவராக உள்ளார். இவர் அவதரித்த தினம் வைகாசி மாதத்தில் வரும் அமாவாசை தினத்தில் என்பதால் இந்த நாளை சனி அமாவாசை என்றும், சனி ஜெயந்தி என்றும் பக்தர்கள் போற்றி வணங்குகின்றனர். இந்த நாளில் செய்யும் வழிபாடுகள், சனி பகவானின் அருளை பெற்றுத் தரும் என்பது நம்பிக்கை.

இந்த ஆண்டு சனி ஜெயந்தி வரும் மே 19 ஆம் தேதி நாளை கொண்டாடப்படுகிறது. அமாவாசை திதியானது மே 18 ம் தேதியான இன்று இரவு 09.42 மணிக்கு துவங்கி, மே 19 ம் தேதி இரவு 09.22 வரை உள்ளது. இந்த நேரத்தில் சனி வழிபாடு செய்வது சனி பகவானின் அருளை பெற்றுத் தரும். நாளை வெள்ளிக்கிழமை.இந்நாளில் சனி பகவானை வழிபாடு செய்தால் ஏழரை நாட்டு சனியில் இருந்து விடுபடலாம் என்பது நம்பிக்கை. மேலும், சனி ஜெயந்தி மற்றும் சனிக்கிழமைகளில் என்னென்ன பொருட்களை தவிர்க்க வேண்டும் என்பதை பற்றி இந்த பதிவில் தெரிந்து கொள்ளலாம்.

சாஸ்திரங்களின்படி, இரும்பு பொருட்கள் சனி பகவானுடன் தொடர்புடையவை. அதனால் சனி ஜெயந்தி அன்று இரும்பு சம்பந்தப்பட்ட பொருட்களை வாங்கவோ, வீட்டிற்கு கொண்டு வரவோ கூடாது. இப்படி செய்தால் சனி பகவான் கோபப்படுவார் என்பது ஆன்றோர்கள் வாக்கு.

சனிக்கிழமை அல்லது சனி ஜெயந்தியில் உப்பு வாங்குவதைத் தவிர்க்கவும். இந்த நாளில் உப்பு வாங்குவது கடன்களை அதிகரிக்கும் மற்றும் நிதி நிலையில் மோசமான விளைவை ஏற்படுத்தும் என்று நம்பப்படுகிறது.

சனி ஜெயந்தி அன்று கருப்பு காலணிகள் வாங்கவே கூடாது. இதைச் செய்வதன் மூலம் எல்லாத் துறையிலும் தோல்விதான் கிடைக்கும்.

சனி பகவானுக்கு கருப்பு எள்ளை காணிக்கையாக கொடுப்பது மங்களகரமானதாக கருதப்படுகிறது. ஆனால் இதை சனி ஜெயந்தி அன்று வாங்கவே கூடாது. அப்படி வாங்கினால் பல இடையூறுகளைச் சந்திக்க வேண்டியிருக்குமாம்.

சனி ஜெயந்தி மற்றும் சனிக்கிழமைகளில் கடுகு எண்ணெய் வாங்கவே கூடாது. இந்த நாளில் கடுகு எண்ணெய் வாங்கினால் வீட்டில் பல பிரச்சனைகள் வரும் என்று நம்பப்படுகிறது.

அதேபோல ஜோதிட சாஸ்திரப்படி, சனி ஜெயந்தி அன்று கருப்பு உடைகள், கரி, காஜல், கருப்பு உளுந்து போன்றவற்றையும் வாங்கக்கூடாது.