மதுரை தேரோட்டம்: பக்தர்களின் வெள்ளத்தில் மிதந்து வரும் மீனாட்சி-சொக்கரின் புகைப்படங்கள்...

பண்பாட்டின் தலைநகரம் யில் 20 நாட்கள் நடைபெறும் 'திருவிழாக்களின் திருவிழா' - சித்திரைப் பெருவிழாவில் ஏப்ரல் 5 முதல் 16 வரை மீனாட்சி அம்மன் கோவில் விழாக்களும், ஏப்ரல் 12 முதல் 21 வரை கள்ளழகர் கோவில் விழாக்களும் நடைபெறும்.

இதில், மீனாட்சி அம்மன் கோவில் விழாக்கள் ஏப்ரல் 5 ஆம் தேதி கொடியேற்றத்துடன் துவங்கியது. அதன் தொடர்ச்சியாக தினமும் காலை, மாலை வேளைகளில் கற்பக விருட்சம், சிம்மம், தங்க சப்பரம், பூதம், அன்னம், கைலாச பர்வதம், காமதேனு, தங்கப்பல்லக்கு, தங்க குதிரை, தங்க ரிஷபம், நந்திகேசுவரர், யாளி, வெள்ளி சிம்மாசனம் உள்ளிட்ட வாகனங்களில் திருவீதியுலா வந்தனர்.

மதுரையை சித்திரை முதல் ஆவணி மாதம் வரை 4 மாதங்கள் மீனாட்சியும், ஆவணி முதல் சித்திரை மாதம் வரை 8 மாதங்கள் சுந்தரேசுவரரும் ஆட்சி செய்வதாக நம்பிக்கை உண்டு.

அதனடிப்படையில், மதுரையின் அரசியாக மீனாட்சிக்கு முடிசூட்டும் பட்டாபிஷேக விழா ஏப்ரல் 12 ஆம் தேதி இரவு கோலாகலமாக நடைபெற்றது.

பின்னர் ஏப்ரல் 13 ஆம் தேதி அன்று திக் விஜயமும், நேற்று மீனாட்சி - சுந்தரேசுவரர் திருக்கல்யாணமும் வெகு விமரிசையாக நடைபெற்றன.

இதனை தொடர்ந்து இன்று காலை 5 மணி முதல் 5:30 மணிக்குள் மேஷ லக்னத்தில் அம்மனும் சுவாமியும் தேருக்கு எழுந்தருளுவா். பூஜைகள் முடித்து 6:30 மணி அளவில் தேர் புறப்ப்பட்டது.

பெரிய தேரில் சுந்தரேஸ்வரர் - பிரியாவிடையும், பின்னால் சிறிய தேரில் மீனாட்சியும் வலம் வருவர்.

கோவிலை சுற்றியுள்ள நான்கு மாசி வீதிகளில் நடைபெறும் இந்த தேரோட்ட விழாவில் லட்சக்கணக்கான மக்கள் பங்கேற்று பெரும் உற்சாகத்துடன் தேரை வடம் பிடித்து இழுத்தனர்.

கீழ மாசி வீதியில் துவங்கி தெற்கு மாசி வீதி, மேல மாசி வீதி, வடக்கு மாசி வீதிகள் வழியாக வலம் வந்து மீண்டும் கீழ மாசி வீதிக்கு தேர் மதியம் வந்து சேரும்.

மதுரையை திருமலை நாயக்கர் ஆட்சி செய்த காலத்தில், சுமார் 400 ஆண்டுகளுக்கு முன்னால் கோவிலுக்கு செய்து கொடுக்கப்பட்ட பிரம்மாண்ட தேர்களில் தேரோட்டம் நடைபறுகிறது.

குற்ற செயல்களில் ஈடுபடுவோரை கண்காணிக்க ட்ரோன் கேமரா, சிசிடிவி கேமரா, கண்காணிப்பு டவர், குற்றவாளிகளை அடையாளம் காணும் செயலிகள், தனிப்படை போலீசார் என மொத்தம் 3,500 போலீசார் பாதுகாப்பு பணியில் ஈடுபடுத்தப்பட உள்ளனர்.

பக்தர்கள் அவசர உதவிக்கு காவல்துறை கட்டுப்பாட்டு அறை எண் : 83000 17920 தொடர்பு கொள்ளலாம்.

'Maamadurai' மொபைல் செயலி மூலம் சிறப்பு பேருந்துகள் இயக்கம், வாகன நிறுத்துமிடம், கோவிலை சுற்றி உள்ள கழிப்பறை, குடிநீர் வசதிகள் ஆகியவற்றை Live tracking மூலமும் கண்டறியலாம்.

சித்திரைப் பெருவிழா

மக்கள் வெள்ளத்தில் பவனி வரும் மீனாட்சியின் தேர்

மாலையிட்டு சாமி ஆடும் பூசாரி

பக்தர்களின் வெள்ளத்தில் மதுரை நகரம்

தெருக்கூத்து செய்பவர்களின் சாட்டை அடி...

யானையிடம் ஆசீர்வாதம் வாங்கும் குழந்தை...

மாசி வீதியில் வலம் வரும் மீனாட்சியின் தேர்

சித்திரை திருவிழாவில் போடப்பட்ட பொருட்காட்சியில் விளையாடும் குழந்தைகள்...

மதுரை சித்திரை விழாவில் பலவிதமான வேடங்களில் பக்தர்கள்

பக்தர்களை ஆசீர்வதிக்கும் மாலையிட்ட சாமிகள்

கோவில் திருவிழாவில் அன்னதானம் சாப்பிடும் பக்தர்கள்

வெளியூர் பக்தர்களுக்கு நீர் மோர் வழங்கும் மதுரை வாசிகள்

திருவிழாவில் உள்ள பொருட்காட்சி ராட்டினம்...