திருவான்மியூர் மருந்தீசுவரர் திருக்கோயிலில் தேர்த்திருவிழா...

யில் பழமை வாய்ந்த கோவில்களில் ஒன்றாக திருவான்மியூரில் உள்ள அருள்மிகு திரிபுரசுந்தரி அம்பாள் உடனுறை அருள்மிகு மருந்தீசுவரர் திருக்கோவில் திகழ்கிறது.

இக்கோவிலில் ஆண்டு தோறும் பங்குனி திருவிழா விமரிசையாக நடைபெற்று வருகிறது. இந்த ஆண்டுக்கான பங்குனி திருவிழா கடந்த ஒன்பதாம் தேதி கொடியேற்றத்துடன் துவங்கியது.

திருவிழாவினையொட்டி நாள்தோறும் சிறப்பு பூஜைகளுடன் சுவாமி ஊர்வலமும் நடைபெற்று வருகிறது. விழாவின் முக்கிய நிகழ்வான தேர்த்திருவிழா இன்று விமரிசையாக நடைபெற்று வருகிறது.

திருத்தேரில் எழுந்தருளியுள்ள சுந்தரேசுவரர், அம்பாளுக்கு பல்வேறு பூஜைகள் செய்யப்பட்டு தேர் நிலையில் இருந்து புறப்பட்டது. பக்தர்களின் அரோகரா கோஷத்துடன் நான்கு மாடவீதிகளிலும் வலம் வருகிறது.

திருத்தேரினை ஏராளமான பக்தர்கள் வடம் பிடித்து இழுக்கின்றனர். வழிநெடுகிலும் ஏராளமான பக்தர்கள் கூடி சுவாமி தரிசனம் செய்து வருகின்றனர். பக்தர்களுக்கு ஆங்காங்கே நீர்மோர், பிரசாதம் வழங்கப்படுகிறது. திருவிழாவின் முக்கிய நிகழ்வுகளான திருக்கல்யாணம் வியாழனன்றும், தெப்ப உற்சவம் சனியன்றும் நடைபெறவுள்ளது.