மானாமதுரையில் 2 வருடங்களுக்குப் பிறகு சித்திரை திருவிழா கொடியேற்றம்... திரளான பக்தர்கள் பங்கேற்பு...

மாவட்டம் மானா ஆனந்தவல்லி சோமநாதர் கோவில் சித்திரை திருவிழா 2 வருடங்களுக்குப் பிறகு இன்று கொடியேற்றத்துடன் துவங்கியது.

மானாமதுரை ஆனந்தவல்லி சோமநாதர் கோயிலில் வருடந்தோறும் சித்திரை திருவிழா மதுரைக்கு அடுத்தபடியாக வெகுவிமரிசையாக தொடர்ந்து 10 நாட்கள் நடைபெறும்.

இந்த விழா நாட்களின் போது சுவாமிகள் பல்வேறு வாகனங்களில் மண்டகப்படிகளில் எழுந்தருளிய பின்னர் வீதி உலா நடைபெறும். கோவில் முன்பாக வைகை ஆற்றில் தினந்தோறும் கலை நிகழ்ச்சிகளும் நடைபெறும் .

வைகை ஆற்றுக்குள் சிறுவர்களுக்காக ராட்டினங்கள் மற்றும் ஏராளமான பொழுதுபோக்கு அம்சங்கள் இடம் பெற்றிருக்கும். இந்நிலையில் கடந்த 2 வருடங்களாக கொரோனா தொற்று காரணமாக சித்திரை திருவிழா நடைபெறாத நிலையில் இந்த வருடம் சித்திரை திருவிழா இன்று காலை 10மணிக்கு கொடியேற்றத்திற்காக கொடி மரத்திற்கு சிறப்பு அபிஷேக ஆராதனைகள் நடைபெற்றன. பின்னர் கொடியேற்றம் நடைபெற்றது.

அதனைத் தொடர்ந்து ஆனந்தவல்லி அம்மனுக்கும், பிரியாவிடை யுடன் கொடி மண்டபத்திற்கு எழுந்தருளிய சுவாமிகளுக்கு தீபாராதனை நடைபெற்றன. மானாமதுரை மற்றும் சுற்றுவட்டார பகுதி மக்கள் 2 வருடங்களுக்கு பிறகு சித்திரை திருவிழா நடைபெற உள்ளதையடுத்து அதிக உற்சாகத்துடன் உள்ளனர் .

முக்கிய நிகழ்ச்சிளான திருக்கல்யாணம் ஏப் .14ஆம் தேதி காலை 11:00 மணியிலிருந்து 1:30 மணிக்குள்ளும் , ஏப்ரல் 15ஆம் தேதி காலை 10 மணிக்கு தேரோட்ட நிகழ்ச்சியும் நடைபெற உள்ளது.