Guru Peyarchi 2023: குரு பெயர்ச்சி உங்களுக்கு எப்படி இருக்கும்?... இதோ 12 ராசிக்கான பலன்கள்!

குரு பகவான் இன்று காலை (ஏப்ரல் 22, 2023) காலை 5.14 மணியளவில் மீன ராசியில் இருந்து மேஷ ராசிக்கும் பெயர்ச்சி ஆகி உள்ளார். இவர் வரும் செப்டம்பர் 4 ஆம் தேதி மேஷ ராசியிலேயே அதிசார பெயர்ச்சி மேற்கொள்ள உள்ளார். 2023 டிசம்பர் 31 ஆம் தேதி மீண்டும் வக்ர நிவர்த்தி அடைந்து, நேர்கதி பெயர்ச்சி மேற்கொள்ள உள்ளார். 2024 ஆம் ஆண்டு மே 1 ஆம் தேதி வரை மேஷத்தில் இருக்கும் இவர், மே 2 ஆம் தேதி மேஷத்தில் இருந்து ரிஷபத்திற்கு பெயர்ச்சி செய்வார். குருவின் பார்வை 5, 7, 9 ஆகிய இடங்களில் நேரடியாக விழுவதால் சிம்மம், துலாம், தனுசு ராசிக்கு கூடுதல் சுப பலன்கள் கிடைக்கும். மேஷ குரு பெயர்ச்சி உங்களுக்கு எப்படி இருக்கும் என சுருக்கமாக பார்க்கலாம்.

மேஷம் : நீங்கள் நினைத்த காரியங்கள் கைகூடும். அனைத்து விஷயங்களையும் சிந்துத்து செய்வீர்கள். நண்பர்களின் முழு ஒத்துழைப்பும் கிடைக்கும். பெற்றோருடன் கருத்து வேறுபாடு குறையும். குடும்பத்தில் இருப்பவர்களால் நிம்மதி குறைவு உண்டாகலாம்.

ரிஷபம் : பேச்சின் இனிமை சாதூர்யத்தின் மூலம் காரிய வெற்றி காண்பீர்கள். பணவரத்து கூடும். சாமர்த்தியமான செயல்களால் மதிப்பும், அந்தஸ்தும் உயரும். மனகவலை நீங்கும் படியான சூழ்நிலை இருக்கும்.

மிதுனம் : எதிலும் கவனமாக இருப்பது நல்லது. ஏதேனும் மனகஷ்டம் உண்டாகும். வீண்செலவு ஏற்படும். உடல்சோர்வு வரலாம். மனோதைரியம் கூடும். தன்னம்பிக்கை அதிகரிக்கும். முயற்சிகள் சாதகமான பலன் தரும்.

கடகம் : பணவரத்து அதிகரிக்கும். மனகவலை நீங்கும். எடுத்த காரியத்தை திருப்தியுடன் செய்து முடிப்பீர்கள். தொழில் வியாபாரம் தொடர்பான பணிகள் தடையின்றி நடக்கும். உத்தியோகத்தில் இருப்பவர்கள் பணிசுமை குறைந்து மனநிம்மதி அடைவார்கள்.

சிம்மம் : அதிக பணவரவு இருக்கும். வாழ்க்கையில் புத்துணர்ச்சி உண்டாகும். திருமணம், குழந்தை பாக்கியம் ஏற்படலாம். மனதில் புதிய தெளிவு பிறக்கும் என்பதால் செயல்களில் உத்வேகத்துடன் செயல்படுவீர்கள். உங்களை கண்டு அடுத்தவர் பொறாமை படக்கூடும்.

கன்னி : அதீத லாபம் பெறுவீர்கள். நோய் நீங்கி உடல் ஆரோக்கியம் உண்டாகும். மற்றவர்களுக்கு உதவிகள் செய்வதன் மூலம் நன்மதிப்பு பெறுவீர்கள். உங்களுடன் கருத்து வேற்றுமை ஏற்பட்டு பிரிந்து சென்றவர்கள் மீண்டும் உங்களை நாடி வருவார்கள்.

துலாம் : குரு பெயர்ச்சியால் காரிய அனுகூலம் உண்டாகும். முக்கிய நபர்களின் உதவி கிடைக்கும். தன்னம்பிக்கை அதிகரிக்கும். துணிச்சலுடன் செயல் பட்டு எடுத்த காரியத்தை சிறப்பாக செய்து முடிப்பீர்கள். பணவரத்து அதிகரிக்கும். இடமாற்றம்,வெளியூர் பயணங்கள், அலைச்சல் ஆகியவை இருக்கும். தொழில் வியாபாரம் முன்னேற்ற பாதையில் செல்லும்.

விருச்சிகம் : உல்லாச பயணங்கள் செல்ல நேரலாம். நற்பெயரும் புகழும் உண்டாகும். புண்ணிய காரியங்களில் ஈடுபாடு இருக்கும். வாழ்க்கையில் எதிர்பாராத திருப்பங்களை சந்திக்க நேரலாம். எப்படிப்பட்ட பிரச்சனை வந்தாலும் சமாளித்துவிடும் திறமை இருக்கும்.

தனுசு : உங்க விருப்பத்திற்கு மாறாக காரியங்கள் நடக்கலாம். மனகுழப்பம் உண்டாகலாம். பயணங்கள் மகிழ்ச்சி தருவதாக இருக்கும். தொழில் வியாபாரத்தில் ஈடுபட்டு இருப்பவர்கள் கடுமையாக உழைக்க வேண்டி இருக்கும். உத்தியோகத்தில் இருப்பவர்கள் சக ஊழியர்களுடன் வாக்குவாதங்களை தவிர்ப்பது நல்லது.

மகரம் : குரு பெயர்ச்சியால் பணவரத்து எதிர்பார்த்ததை விட கூடுதலாக வரும். பேச்சின் இனிமை சாதூர்யத்தால் எடுத்த காரியத்தை திறம்பட செய்து முடிப்பீர்கள். எதிலும் கவனமாக இருப்பது நல்லது. எதையும் சமாளிக்கும் மனநிலை ஏற்படும்.

கும்பம் : குரு பெயர்ச்சியால் எதிர்ப்புகள் நீங்கும். பணவரத்து எதிர்பார்த்ததை விட அதிகரிப்பது மனமகிழ்ச்சியை தரும். எதிரிகளால் இருந்து வந்த பிரச்சனை தீரும். நண்பர்கள் மூலம் தேவையான உதவிகள் கிடைக்கும். குடும்பத்தில் உங்களது பேச்சுக்கு எதிர்பேச்சு பேசியவர்கள் அடங்கி விடுவார்கள்.

மீனம் : குரு பெயர்ச்சியால் மனக்கவலை ஏற்பட்டு நீங்கும். எதிர்பாராத செலவு ஏற்படும். மற்றவர்களுடன் வாக்குவாதங்களை தவிர்ப்பதால் பகை ஏற்படாமல் இருக்கும். எவ்வளவு திறமையாக செயல்பட்டாலும் பாராட்டு கிடைப்பது அரிது. சிலரது எதிர்பாராத பேச்சு மனவருத்தத்தை தரலாம். முக்கிய முடிவுகள் எடுக்கும் போது தீர ஆலோசித்தபின் முடிவு எடுப்பது நல்லது.