வெள்ளை சேலையில் பொங்கல் வைத்த பெண்கள்.. சிவகங்கையில் விநோதம்!

அருகே பாரம்பரியமாக வெள்ளை சேலை அணிந்து ஏராளமான பெண்கள் பொங்கல் வைத்தனர்.

தமிழகத்தில் பொங்கல் பண்டிகையை முன்னிட்டு ஏராளமான பெண்கள் பல்வேறு வகையில் மண்பானையில் பொங்கல் வைத்து விழாவை கொண்டாடி வருகின்றனர்.

அந்த வகையில், சிவகங்கை மாவட்டம் சலுகைபுரம் கிராமத்தில் உள்ள காவல் தெய்வங்களாக பிடாரி அம்மன், பொன்னழகி அம்மன் முன்பு பெண்கள் பொங்கல் வைத்து வழிபட்டனர்.

ஏழை பணக்காரன் என்ற பேதத்தை போக்கும் விதமாக பாரம்பரியமாக பெண்கள் வளையல், மெட்டி, கொலுசு உள்ளிட்ட ஆபரணங்களை தவிர்த்து வெள்ளை சேலை அணிந்து பொங்கல் வைத்தனர்.