கச்சத்தீவு அந்தோணியார் கோவில் திருவிழா.. இந்தியா- இலங்கை மக்கள் கூட்டுப் பிரார்த்தனை!

மாவட்டம் ராமேஸ்வரத்தில் இருந்து 12 மைல் தொலைவில் கச்சத்தீவு அமைந்துள்ளது.

இங்கு அமைந்துள்ள புனித அந்தோணியர் பேராலயத்தில், ஆண்டுதோறும் மார்ச் மாத தவக்கால யாத்திரை மற்றும் திருவிழா நடைபெறுவது வழக்கம்.

அந்த வகையில் இந்த ஆண்டு நடைபெற்ற திருவிழாவில், இந்தியா மற்றும் இலங்கையைச் சேர்ந்த சுமார் 6 ஆயிரம் பக்தர்கள் பங்கேற்றுள்ளனர்.

இந்நிலையில், நேற்று மாலை கொடியேற்றத்துடன் திருவிழா தொடங்கியது.

தொடர்ந்து, திருச்செபமாலை, திருச்சிலுவை பாதை தியானம், நற்கருணை ஆராதனை உள்ளிட்ட நிகழ்வுகள் நடைபெற்றன.

பின்னர் இன்று 2ம் நாள் திருவிழாவில் இந்தியா - இலங்கை கூட்டு பிரார்த்தனை நடைபெற்றது.

இதில், இருநாட்டு பக்தர்களும், இலங்கை அரசு அதிகாரிகளும் கலந்துகொண்டனர்.