Ramanathapuram News : கார்கில் போர் வெற்றிதினம்.. பள்ளி மாணவர்களுடன் கடற்படை வீரர்கள் ராமேஸ்வரத்தில் பேரணி..

23-வது கார்கில் வெற்றி தினத்தையொட்டிஅதனை நினைவு கூறும் வகையில் ராமேஸ்வரம் அரசு ஆண்கள் மேல்நிலைப் பள்ளியை சேர்ந்த NSS, NCC மாணவர்கள் கடற்படை வீரர்களுடன் ராமநாத சுவாமி திருக்கோவிலின் நான்கு ரதவீதிகளிலும் பேரணி நடத்தினர்.

1999- ம் ஆண்டு பாகிஸ்தானுடனான கார்கில் போரில் இந்தியா வெற்றி பெற்றது. இந்த வெற்றியை நினைவு கூறும் விதமாக ஆண்டுதோறும் ஜூலை 26 ஆம் தேதி கார்கில் வெற்றி நாளாக கொண்டாடப்பட்டு வருகிறது.

கார்கில் போரில் பல ராணுவ வீரர்கள் நாட்டிற்காக உயிர் தியாகம் செய்தனர். போரில் உயிர் தியாகம் செய்த  ராணுவ வீரர்களை நினைவு கூறும் விதமாகவும்,  கார்கில் போரில் பங்கேற்ற ராணுவ வீரர்களுக்கு மரியாதை செலுத்தும் வகையிலும்  நாடு முழுவதும் கார்கில் வெற்றி தினம் கொண்டாடப்பட்டு வருகிறது.

இதன் ஒரு பகுதியாக ராமநாதபுரம் மாவட்டம் ராமேஸ்வரம் அரசு ஆண்கள் மேல்நிலைப்பள்ளி, தேசிய பசுமைப்படை, நாட்டு நலப்பணி திட்டம் மாணவர்கள் மற்றும் கடற்படை வீரர்கள் 300 க்கும் மேற்பட்டோர் பள்ளி வளாகத்தில் இருந்து பதாகைகள் ஏந்தி பேரணியாக கோவிலை சுற்றி நான்கு ரத வீதிகள் வந்து, பின்னர் திட்டக்குடி பகுதி வழியாக பள்ளி விளையாட்டு மைதானம் வந்தடைந்தனர்.

பின்னர் அப்பள்ளியில் உள்ள மாணவர்களுக்கு போரின் நடைபெற்றமுறை குறித்தும், வெற்றிபெற்ற முறை குறித்தும் விளக்கங்கள் அளிக்கப்பட்டது.

பள்ளி மாணவர்களின் பேரணியை கடற்படை தளபதி சஞ்சய் மற்றும் தேசிய பசுமைப்படை பட்டாலியன் அலுவலர் மன்சூர் ஆகியோர் இந்த பேரணியை துவக்கி வைத்தனர்.

ராமேஸ்வரத்தில் கார்கில் வெற்றி தினம் பேரணி

ராமேஸ்வரத்தில் கார்கில் வெற்றி தினம் பேரணி

ராமேஸ்வரத்தில் கார்கில் வெற்றி தினம் பேரணி