புதுக்கோட்டை நாடியம்மன் கோவிலில் மழை வேண்டி மது எடுப்புத் திருவிழா... ஆயிரக்கணக்கான பெண்கள் வழிபாடு..

மாவட்டம் ஆலங்குடி அருகே உள்ள கீழாத்தூரில் அமைந்துள்ள 'நாடியம்மன் கோவில்' ,ஆலங்குடி சுற்றுவட்டாரப் பகுதிகளில் மிகவும் பிரசித்தி பெற்ற சக்தி வாய்ந்த திருத்தலமாக விளங்கி வருகிறது.

இந்த கோவிலின் ஆடித் திருவிழா மிகவும் சிறப்புடன் நடைபெற்று வரும் நிலையில் நேற்று மது எடுப்புத் திருவிழா வெகு கோலாகலமாக நடைபெற்றது.

ஆண்டுதோறும் நல்ல மழை வேண்டியும், விவசாயம் செழிக்க வேண்டியும் கீழாத்தூர் சுற்றுவட்டார கிராமங்களைச் சேர்ந்த பெண்கள் அலங்கரிக்கப்பட்ட குடங்களில் நெல்லைக் கொட்டி அதன் மீது தென்னம்பாலைகளை வைத்து பூச்சூட்டி ஊர்வலமாக சுமந்து வந்து கோவிலில் கொட்டி வழிபாடு நடத்துவது வழக்கம்.

கடந்த இரண்டு ஆண்டுகளாக கொரோனா காரணமாக மது எடுப்புத் திருவிழா நடைபெறாமல் இருந்த சூழலில், இந்த ஆண்டு மது எடுப்புத் திருவிழா மிகவும் கோலாகலமாக நடைபெற்றது.

ஆயிரக்கணக்கான பெண்கள் கலந்து கொண்ட இந்த விழாவில் வடகாடு காவல்நிலையத்தின் சார்பில் பலத்த போலிஸ் பாதுகாப்பு போடப்பட்டிருந்தது.

கோவிலுக்கு நடந்து செல்லும் பெண்கள்