அடேங்கப்பா.... புதுக்கோட்டை மாவட்டத்தில் உள்ள சித்தன்னவாசலுக்கு இவ்வளவு பெருமைகளா!

மாவட்டத்திற்கு பெருமை சேர்க்கும் முக்கிய பகுதியாக இருக்கிறது சித்தன்னவாசல். இதன் சிறப்புகள் குறித்தும், இந்த இடத்திற்கு எப்படி செல்லலாம் என்பது பற்றியும் பார்க்கலாம்.

புதுக்கோட்டையிலிருந்து சுமார் 17 கி.மீ. தொலைவில் இருக்கிறது சித்தன்னவாசல். பழங்காலத்தில், சித்தா்கள் மலைகளிலும் குகைகளிலும் துறவி வாழ்ந்துள்ளனர். இங்கு 17 இடங்களில் சித்தர்கள் வாழ்ந்திருப்பதாக அறியப்படுகிறது. இதனால் இது சித்தனவாசல் என்று அழைக்கப்படுகிறது.

இந்த சமண படுக்கைகளின் அருகில் இரண்டாம் நூற்றாண்டை சோ்ந்த பிராமி தமிழ் கல்வெட்டு எழுத்துக்கள் பொறிக்கப்பட்டுள்ளன. சித்தன்னவாசலில் 2ஆம் நூற்றாண்டை சேர்ந்த சமணா் கோயில் மகாவீர் சிலைகளுடன் காணப்படுகிறது.

இந்த கோயிலின் மேல்புறத்தில் மகேந்திர வா்மன் காலத்து ஒவியங்கள் வரையப்பட்டுள்ளன. இந்திய ஒவியக்கலை வரலாற்றில் அஜந்தா குகை ஒவியத்திற்கு அடுத்ததாக புகழ்பெற்ற ஒவியங்களாக போற்றப்படுபவை இங்கே அமைந்துள்ளன. இங்குள்ள குகைகளின் மேற்கு சரிவிலும், மூலிகைகளினால் வரையப்பட்ட அற்புதமான ஒவியங்கள் காணப்படுகின்றன.

தமிழா்களின் கலை பண்பாட்டினை பாறைசாற்றும் உயிரோட்டமுள்ள ஒவியங்களாக இவை திகழ்கின்றன. ஓா் அழகிய குளத்தில் தாமரை மலா்கள், அல்லி மலா்கள், மீன்கள் நீந்துவது போலவும் எருமைகள் நிற்பது போலவும், யானைகள் தண்ணீா் குடிப்பது போலவும், கீரிப்பிள்ளை விளையாடுவது போலவும் அமைந்த ஓவியங்களும், அரசன் அரசியின் ஒவியங்களும் இங்கே தத்தரூபமாக வரையப்பட்டுள்ளன. இதன் சிறப்பை அறிந்து ஏராளமான வெளிநாட்டு பயணிகளும் இங்கே வந்து செல்கின்றனர்.

சுற்றுலாப் பயணிகளின் பொழுது போக்கிற்காக இங்கு சிறுவா் பூங்காவும் இசை நீருற்றுகளும் சுற்றுலாத்துறை சார்பாக நிறுவப்பட்டுள்ளன. முத்தமிழ் பூங்காவில் புதுக்கோட்டை மாவட்டம் சார்ந்த கலை மற்றும் இலக்கியச் செய்திகள் அடங்கிய சிற்பங்களும்  அமைக்கப்பட்டுள்ளது.