முன்னணி நடிகர்கள் நடித்த இந்த காட்சிகள் எல்லாம் திருமயம் கோட்டையில்தான் எடுக்கப்பட்டிருக்கா!

மாவட்டத்தில் இருக்கிறது பிரம்மாண்டமான திருமயம் கோட்டை. இது புதுக்கோட்டையில் இருந்து சுமார் 18 கி.மீ. தொலைவில் சுமார் 40 ஏக்கர் பரப்பளவில் அமைந்துள்ளது. இந்த கோட்டை முற்காலத்தில், இப்போது நாம் காணும் கோட்டை பகுதிகளை விட இருமடங்கு பெரிதாக இருந்ததாக சொல்லப்படுகிறது.

கி.பி. 1676ஆம் ஆண்டு ராமநாதபுரம் சேதுபதி மன்னர் முத்துவிஜயரகுநாத சேதுபதி மற்றும் ரகுநாத கிழவன் சேதுபதி காலத்தில் கட்டப்பட்டது என்று சொல்லப்படுகிறது. இந்த கோட்டை சிறந்த சுற்றுலா தலமாக மட்டும் அல்லாமல் முக்கிய ஷூட்டிங் ஸ்பாட்டாகவும் இருந்து வருகிறது.

அதன்படி இங்கே தமிழ் சினிமாவில் இடம் பெற்பெற்றுள்ள பல்வேறு காட்சிகள் படமாக்கப்பட்டுள்ளன. அந்த வகையில், பிரசாந்த் நடித்த தமிழ் படத்தில் இடம்பெற்றுள்ள ‘கண்ணுக்குள்ளே காதலா‘ பாடலின் சில காட்சிகள் இந்த திருமயம் கோட்டையில்தான் எடுக்கப்பட்டது.

விஷால் நடித்த தாமிரபரணி படத்தில் வரும் ‘கட்டபொம்மன் ஊர் எனக்கு கெட்டவன்னு பேர் எனக்கு’ என்ற பாடலின் பல காட்சிகள் இந்த கோட்டையிலும், கோட்டை மேலிருக்கும் பீரங்கிக்கு அருகிலும் எடுத்திருப்பார்கள்.

இதேபோல, பாண்டியநாடு படத்தில் வரும் ‘ஏலே ஏலே மருது’ பாடலில் ‘பாரு பாரு தங்க தேரு தேரு...’ என்ற வரிகள் இடம்பெறும் காட்சியில் ஓர் பாறைக்கு அடியில் விஷால் நிற்பதுபோன்ற காட்சியைப் பார்க்கலாம். அந்த பாறை இந்த திருமயம் கோட்டைக்குள்தான் இருக்கிறது. அந்த பாடலில் குரூப் போட்டோ எடுப்பது போன்ற காட்சி உட்பட பல சீன்கள் இங்கிருக்கும் பீரங்கி மேடை மீது எடுத்திருப்பார்கள்.

கருணாஸ் நடிப்பில் உருவான திண்டுக்கல் சாரதி படத்தில் வரும், ‘அம்மாடி ஆத்தாடி’ என்ற பாடலின் சில காட்சிகள் இங்குதான் படமாக்கப்பட்டது. இந்த பாடலில் திருமயம் கோட்டையை சில கோணங்களில் காட்டியிருப்பார்கள்.

சூர்யா நடித்த நந்தா படத்தில்,  நடிகர் கருணாஸ் சூர்யாவிடன் சோகமாக பேசி ‘ஏன் இப்படி ஓணாய் மாதிரி ரத்த வெளிபுடிச்சி அலையுற’ என்று அறிவுரை கூறிபேசுவதும் அவரை சூர்யா, லைலா முன்னிலையில் ஓங்கி அடிக்கும் காட்சிகளும் இங்குதான் எடுக்கப்பட்டன.

இதேபோல, பாண்டிராஜ் இயக்கத்தில் வெளியான எதற்கும் துணிந்தவன் படத்தில் ‘கோவில் பிரசாதம் எனக்கு உயிர்மாதிரி’ என்று கதாநயகி சூர்யாவிடம் போனில் பேசும் காட்சிகள் இந்த திருமயம் கோட்டையில்தான் ஷூட் செய்யப்பட்டது.

சிம்பு நடிப்பில் குத்து படத்தில் பரபரப்பை கிளப்பும் ‘போட்டுத்தாக்கு போட்டுத்தாக்கு’ பாடலில், ‘பாரதத்தில் பத்துகோடி பொண்ணு இருக்கு..’ என்ற பாடல் வரி வரும்போது இந்த திருமயம் கோட்டையில் இருக்கும் பீரங்கி மேட்டை பார்க்கலாம். இதேபோல பல்வேறு திரைப்பட காட்சிகள் இந்த திருமயம் கோட்டையில் எடுக்கப்பட்டுள்ளன.