கணகனேரியில் படகு சவாரி மீண்டும் துவங்கப்படுமா.. ஏக்கத்தில் புதுச்சேரி மக்கள்!

புதுச்சேரி திலாஸ்பேட்டையில் கழிவுநீர் விடப்பட்டும், ஆகாயத்தாமரை செடிகள் மண்டியும் இருந்த கனகன் ஏரி  துணை நிலை ஆளுநராக கிரண் பேடி இருந்த போது  எடுத்த நடவடிக்கையின் காரணமாக பொலிவு பெற்றது.

கடந்த 2017ஆம் ஆண்டு இறுதியில் ஏரியை ஆய்வு செய்த முன்னாள் ஆளுநர் உடனடியாக சுத்தம் செய்ய அதிகாரிகளுக்கு உத்தரவிட்டார்.

அதன்படி ஆகாயத்தாமரைகள் இயந்திரங்கள் மூலம் அகற்றப்பட்டதோடு வாக்கிங் செல்வதற்காக ஏரி கரை சமன்படுத்தப்பட்டது. பொதுமக்கள் அமரும் வகையில் இருக்கைகளும் இரண்டு கழிப்பறைகளும் கட்டப்பட்டு படகும் விடப்பட்டது.

இந்நிலையில் தற்போது அதன் பொலிவை இழந்து  காணப்படுகிறது கணகன் ஏரி. சரிவர பராமரிக்கப்படாமல் ஆகாயத்தாமரைகள் மண்டி கிடைக்கின்றது. நகரப் பகுதியில் படகு சவாரி செய்வதற்கு ஏற்ற இடமாக கனகநேரி உள்ளது. மழை நீரும் தேங்கியுள்ளது.

இதனை சரிவர பராமரித்து மீண்டும் படகு சவாரியை துவங்கினால், மாநில சுற்றுலா வளர்ச்சிக்கு வழி வகுக்கும் இதற்கான பணிகளை பொதுப்பணித்துறை நீர்ப்பாசன கோட்டத்துடன் இணைந்து சுற்றுலாத்துறை சுற்றுலா வளர்ச்சிக்காக முன்னெடுக்க வேண்டும் என பொதுமக்கள் கோரிக்கை வைத்துள்ளனர்.