களிமண் பொம்மை செய்ய பயிற்சி..! துருக்கி மாணவர்கள் புதுச்சேரியில் முகாம்

துருக்கி நாட்டை சேர்ந்த மாணவர்கள் கலாச்சார  பயணமாக புதுச்சேரி வந்துள்ளனர். அவர்கள் 10 நாட்கள் புதுச்சேரியில் தங்கி இருக்கிறார்கள்.

புதுச்சேரியில் சுற்றுலா  தலங்களை பார்வையிடும் இவர்கள் புதுச்சேரியின் கலை மற்றும் கலாச்சாரத்தை நேரில் ஆய்வு செய்கிறார்கள்.

அந்த வகையில் திருக்காஞ்சியில் உள்ள டெரக்கோட்டா ஆய்வுக்கூடத்தில் மாணவர்கள் களிமண் பொம்மைகளை செய்வது குறித்த பயிற்சியினை பெற்றனர். இந்தப் பயிற்சியினை பத்மஸ்ரீ விருது பெற்ற புதுச்சேரியின் கலைஞர் முனுசாமி அளித்தார்.

களிமண்களைக் கொண்டு பொம்மைகள் உருவாக்கும் முறைகளை துருக்கி மாணவர்கள் கற்றனர்.

களிமண்களை கொண்டு பொம்மைகளை உருவாக்குவது மிக மகிழ்ச்சியாக இருப்பதாக  மாணவர்கள் தெரிவித்தனர்.

துருக்கி  சென்றுதும் அங்கு கிடைக்கும் மண்ணை கொண்டு பொம்மைகளை தயாரித்து மற்றவர்களுக்கு பயிற்சி அளிப்போம் என மகிழ்ச்சியுடன் தெரிவித்தனர்.