புதுச்சேரி கடற்கரை சாலையில் நடைபெற்ற குடியரசு தினவிழா- பார்வையாளர்களைக் கவர்ந்த கலைநிகழ்ச்சிகள்

புதுச்சேரியில் நாட்டின் 74-வது குடியரசு தினவிழா வழக்கமான உற்சாகத்துடன் கொண்டாடப்பட்டது.

கடற்கரைசாலையில் நடைபெற்ற விழாவில் துணைநிலை ஆளுநர் தமிழிசை செளந்தரராஜன் தேசியக்கொடி ஏற்றி வைத்து பல்வேறு படைப்பிரிவினரின் அணிவகுப்பு மரியாதையை ஏற்றுக்கொண்டார்.

விழாவில் முதல்வர் ரங்கசாமி உள்ளிட்ட அமைச்சர்கள், சட்டமன்ற உறுப்பினர்கள், தலைமை செயலாளர், டிஜிபி உள்ளிட்ட் உயரதிகாரிகள் பங்கேற்றனர். 

தொடர்ந்து பல்வேறு துறைகளில் சிறந்து விளங்கிய காவலர்கள், பள்ளி, கல்லூரி, ஆசிரியர் மற்றும் சமூக சேவகர்களுக்கு விருதுகள், பதக்கங்கள் மற்றும் பரிசுகளை வழங்கினார்.

புதுச்சேரி பாரதியார் பல்கலைக்கூட மாணவர்கள் உள்ளிட்டோரின் கலை நிகழ்ச்சிகள் நடைபெற்றது.

இந்த முறை பள்ளி, கல்லூரி மாணவ மாணவிகளின் அணிவகுப்பு மற்றும் கலை நிகழ்ச்சிகள் சிறப்பாக நடைபெற்றது.

தெலுங்கானா மாநிலத்திற்கும் ஆளுநராக இருக்கும் தமிழிசை அந்த மாநிலத்தில் இன்று காலை 7 மணிக்கு தேசியக்கொடி ஏற்றி வைத்து விட்டு தனி விமானம் மூலம் புதுச்சேரிக்கு வந்து ஆளுநர் தமிழிசை செளந்தரராஜன் தேசியக்கொடி ஏற்றிவைத்தார்.

விழா நடைபெற்று வரும் கடற்கரை சாலை காவல்துறை, கடலோரக் காவல் துறை, இந்திய கடலோரக்காவல் படையினரின் தீவிர கண்காணிப்பிற்குட்படுத்தப்பட்டது.

கலை நிகழ்ச்சியில் மாணவிகள்

கலை நிகழ்ச்சியில் மாணவிகள்

கலை நிகழ்ச்சியில் மாணவர்கள்

கலை நிகழ்ச்சியில் மாணவிகள்