மாண்டஸ் புயல் வருது,பேனரை எடுங்கள்; புதுச்சேரி ஆட்சியரின் உத்தரவை மதிக்காத அதிகாரிகள்!

புதுச்சேரியில் மாவட்ட ஆட்சியரின் உத்தரவை மதிக்காமல் வைக்கப்பட்டிருந்த விளம்பர பலகையால் பரபரப்பு ஏற்பட்டுள்ளது.

புதுச்சேரி மாநிலத்தில் தலைவரின் பிறந்தநாள், நடிகர்களின் பிறந்தநாள்,புதுபடம் வருகை தனியார் நிறுவனங்களின் விளம்பர பேனர்கள் புதுச்சேரி மாநிலம் முழுவதும் சாலையோரங்களில் ஆளுயர பேனர்கள், கட்டவுட்டுகள் வைக்கப்பட்டு வருகிறது.

இந்நிலையில் தற்போது கனமழை மற்றும் புயல் எச்சரிக்கை விடுக்கப்பட்டுள்ளதால் சாலையோரங்களில் உள்ள பேனர்கள் அனைத்தையும் உடனடியாக அப்புறப்படுத்த வேண்டும் என மாவட்ட ஆட்சியர் உத்தரவிட்டார்.

ஆனால் இதுவரை பேனர்கள் ஏதும் அகற்றப்படவில்லை. இதனால் விபத்துகள் ஏற்படும் அபாயம் உள்ளது.

எனவே அரசு அதிகாரிகள் உடனடியாக பேனர்களை அகற்ற வேண்டும் என பல்வேறு தரப்பினரின் கோரிக்கையாக உள்ளது..