உலக பாரம்பரிய நகரங்களின் பட்டியலில் இணைகிறதா புதுச்சேரி? - வியக்கவைக்கும் சிறப்புகள்!

யூனியன்பிரதேசமான புதுச்சேரி பிரான்ஸ் நாட்டின் கலணியின் ஒரு பகுதியாக இருந்தது. ஏறக்குறைய 200 ஆண்டுகளுக்கு மேல் பிரெஞ்சுக்காரர்களின் ஆதிக்கத்தில்  இருந்தது. பின்னர் விடுதலை பெற்ற பாண்டிச்சேரி என்று அன்போடு அழைக்கப்படும் இந்த பகுதியில் அழகும் கம்பீரமும் கொண்ட ஏராளமான கட்டிடங்கள் இருக்கின்றன.

புதுச்சேரி விரைவில் உலக பாரம்பரிய சின்னங்களின் பட்டியலில் இடம் பெற இருப்பதாகவும், மதிப்பு மிக்க அந்த பட்டியலில் இடம் பெறுவதற்கான வேலைகள் முழு வீச்சில் நடந்து வருவதாகவும் தகவல்கள் வெளியாகியுள்ளன. இதனால், புதுச்சேரி மக்களும், சுற்றுலா பயணிகளும் மகிழ்ச்சி அடைந்துள்ளனர்.

யுனெஸ்கோவின் உலக பாரம்பரிய சின்னத்திற்கான குறியீட்டைப் பெறுவதற்கு நினைவுச்சின்னங்கள் மட்டுமே காரணமல்ல. அந்த நகரம் மற்றும் அதில் வாழும் மக்களும் அதன் சிறப்பான பாரம்பரியம் மற்றும் வரலாறு ரீதியில் போற்றப்படும் வகையில் அதனை பேணி பாதுகாக்காக்க வேண்டும் எனறு சொல்லப்டுகிறது.

யுனெஸ்கோ உலக பாரம்பரிய சின்னங்களின் பட்டியலில் இந்தியாவிலின் 43 இடங்கள் இடம் பெற்றுள்ளன. அந்த வகையில், அஜந்தா எல்லோரா குகைகள், ஆக்ரா கோட்டை, தாஜ்மஹால், ஹம்பி, கஜுராஹோ என பெரிய பட்டில் உள்ளது. அவற்றுள் தமிழ்நாட்டில் மகாபலிபுரம் நினைவுச்சின்னங்கள், தஞ்சை பெரிய கோவில், ஊட்டி மலை ரயில் என இந்த பட்டியல் நீண்டு செல்கிறது.

எனினும் இந்தியாவில் உள்ள அகமதாபாத் மற்றும் ஜெய்ப்பூர் ஆகிய இடங்கள் உலக பாரம்பரிய நகரங்களாக ஐக்கிய நாடுகள் சபையால் பட்டியலிடப்பட்டுள்ளன.இங்கே பாரம்பரிய கட்டிடங்களைப் பாதுகாப்பது மட்டும் அன்றி, சுற்றுப்புறத்தில் உள்ள மற்ற பகுதிகளுக்கும் உரிய உள்கட்டமைப்பு, வெளிச்சம் மற்றும் தெருக் காட்சிகளுக்கு ஏற்ற அடையாளங்கள் வழங்கப்படும் என்று சொல்லப்படுகிறது.

புதுச்சேரி அரசு பிரெஞ்சு மற்றும் தமிழ் குடியிருப்பு பகுதிகளில் இருக்கும் 114 கட்டிடங்களை பாதுகாக்கப்பட்ட பாரம்பரியக் கட்டிடங்களாக அறிவித்திருக்கிறது. மாநில அளவிலான பாரம்பரிய பாதுகாப்பு மற்றும் ஆலோசனைக் குழுவின் (SLHCAC) பரிந்துரைகளின் பேரில் இந்த பட்டியல் தயாரிக்கப்பட்டுள்ளது.

இவற்றுள் பழைய லைட் ஹவுஸ், செஞ்சி தூண், அரவிந்தர் ஆசிரமம், கப்புச்சின் தேவாலயம் என பல முக்கிய இடங்கள் இடம் பெற்றுள்ளன. அவற்றுள் 36 கட்டிடங்கள் அரசுக்கு சொந்தமானவை, பிரெஞ்சு அரசாங்க கட்டிடங்கள் 9, ஆசிரம கட்டிடங்கள் 60, தேவாலய கட்டிடங்கள் 9 உள்ளன என 114 பாரம்பரிய கட்டிடங்கள் இடம் பெற்றுள்ளன.

இதேபோல, புதுச்சேரி திட்ட ஆணையமானது இன்டாச் நிறுவனத்துடன் இணைந்து பாரம்பரிய கட்டிடங்களின் இரண்டாவது பட்டியலைத் தயாரித்து வருகிறது, இதில் ஏராளமான தனியார் பாரம்பரிய கட்டிடங்களும் அடங்கும் என்று சொல்லப்படுகிறது இதனால் புதுச்சேரி விரைவில் உலக பாரம்பரிய நகரங்களின் பட்டியலில் இணையும் என்று எதிர்பார்க்கப்படுகிறது.