புதுச்சேரியில் ஆதரவற்ற நிறைமாத கர்ப்பிணிக்கு வளைகாப்பு செய்து வைத்த சக வியாபாரிகள்

ஆதரவற்ற நிறைமாத கர்ப்பிணிக்கு 9 வகையான சாதம், சீர்வரிசையடன் நடந்த நிகழ்வு புதுச்சேரியில் நெகிழ்ச்சியை ஏற்படுத்தி உள்ளது.

டெல்லியைச் சேர்ந்தவர் கணேஷ் இவர் புதுச்சேரி கடற்கரை சாலையில் கடந்த 15 ஆண்டுகளாக கடற்கரைக்கு வரும் மக்களை நம்பி வியாபாரம் செய்து வருகிறார்.இவரிடம் அடிக்கடி வந்து பொருள் வாங்கிய புதுச்சேரி லாஸ்பேட்டை சேர்ந்த பவித்ரா என்ற இளம் பெண்ணுக்கும் இவருக்கும் காதல் மலர்ந்தது.

இதனை அடுத்து கடந்த ஒரு வருடத்திற்கு முன்பு பவித்ராவை கணேஷ் திருமணம் செய்து கொண்டார். தற்போது பவித்ரா நிறைமாத கற்பினியாக உள்ளார்.

இவர்களுக்கு உதவி செய்ய வேறு யாரும் இல்லை என்பது ஒரு புறம் இருந்தாலும் தற்போது ஏழ்மை நிலையில் இவர்கள் வாடி வருகின்றனர்.இதனை அறிந்த கடற்கரையில் வியாபாரம் செய்யும் சக வியாபாரிகள் கணேசுக்கும் பவித்ராக்கும் வளைகாப்பு செய்ய முடிவு செய்து அந்த வளைகாப்பை கடலோர சாலையில் சிறப்பாக நடத்தினார்கள்.

வளைகாப்பின் போது கர்ப்பிணி பெண்ணுக்கு ஆரத்தி எடுத்து சடங்குகள் செய்த பெண்களுக்கு பூ பழங்களுடன் தட்டு வரிசையும் வழங்கப்பட்டது.

ஒரு ஏழ்மையான குடும்பத்தில் இருந்த சாலையோர வியாபார நிறைமாத கர்ப்பிணிக்கு  9வகையான சாப்பாடு செய்து சக வியாபாரிகள் வளைகாப்பு செய்து வைத்து சம்பவம் புதுச்சேரியில் நெகிழ்ச்சியை ஏற்படுத்தி உள்ளது.