கடல் அலையில் சிக்கிய 2 இளைஞர்களை காப்பாற்றிய போலீஸ்காரர்... தன் உயிரையும் பொருட்படுத்தாமல் செய்த செயலால் பொதுமக்கள் பாராட்டு

பெங்களூரை சேர்ந்த இளைஞர்கள் புதுச்சேரிக்கு சுற்றுலா வந்தனர்.  இவர்கள் புதுச்சேரி கடலில் குளித்துக்கொண்டிருந்தனர்.

அப்போது திடீரென வந்த ராட்சத அலை அவர்களை இழுத்து சென்றது. இதனால் கடல் அலையில் சிக்கி உயிருக்கு போராடினர்.

அப்போது அங்கு புதுச்சேரி காவல்துறையை சேர்ந்த ஊர்க்காவல் படை வீரர் அன்பரசன் (கடலோர காவல் நிலையம்) பாதுகாப்பு பணியில் ஈடுபட்டிருந்தார்.

இளைஞர்கள் துடிப்பதை கண்ட அவர் தன் உயிரை துச்சமென நினைத்து கடல் அலையில் சிக்கி உயிருக்கு போராடிய 2 இளைஞர்களை காப்பாற்றினார்.

பின்னர் அவர்களை கரைக்கு அழைத்து வந்தார். அப்போது அங்கிருந்து பொதுமக்கள் மற்றும் சுற்றுலா பயணிகள் காவலரை வெகுவாக பாராட்டினர்.