லட்சுமி யானைக்கு புதுச்சேரி மெரினா கடற்கரையில் மணல் சிற்பம்... புகைப்படத்தொகுப்பு

இந்திய தேர்தல் ஆணையத்தின் அறிவுறுத்தல்படி வாக்காளர் சேர்க்கைக்கான சிறப்பு முகாம் நடைபெற்று வருகிறது. நாளையும் (3ம்தேதி) மற்றும் 4ம் தேதிகளில் அனைத்து வாக்குச்சாவடிகளில் சிறப்பு முகாம் நடக்கிறது. இதில் பட்டியலில் பெயர் சேர்த்தல், நீக்கல் மற்றும் திருத்தம் செய்யலாம்.
இதையொட்டி பாண்டி மெரினா கடற்கரையில் 15க்கு 10 அளவில் இந்திய கொடி வண்ணத்துடன் விழிப்புணர்வு வாசகம் மற்றும் சிலைகள் மூன்று பக்கங்களில் வரைந்துள்ளனர்.

அதில் நான்காவது பகுதியில் லட்சுமி யானை சிற்பத்தை புதுச்சேரி அரசின்
பாரதியார் பல்கலைக்கூட ஆசிரியர்கள் மாமலைவாசன், சிற்பி சேகர் ஆகியோர் தலைமையில் மாணவர்கள் வடிவமைத்துள்ளனர். 

பாரதியார் பல்கலைக்கூட மாணவர்கள் இளஞ்செழியன், கபிலன், முகேஷ் கண்ணா, அருண்குமார், ரஞ்சித், ஹேமாவதி, லேகா , சுப்பிரமணி, சத்யா, சார்லி, ஆகாஷ்குமார், யோகேஷ், அருண்குமார், பெர்னான்டஸ், நாராயணன், தீனா ஆகியோர் இதனை உருவாக்கினர்.

முதலில் வியாழன்று மணலை ஒருங்கிணைத்து 9 மணி நேரம் தளத்தை உருவாக்கினார்கள்.

அதையடுத்து இன்று காலை 10 மணி முதல் மாலை 6 மணி வரை தேர்தல் ஆணையத்தின் மணல்சிற்பத்தை மூன்று பக்கத்திலும், ஒரு பக்கத்தில் லட்சுமி யானை சிற்பத்தையும் 9 மணி நேரத்தில் உருவாக்கியுள்ளனர்.

இறந்த பிறகும் லட்சுமி யானை புதுச்சேரியின் செல்ல பிள்ளையாக வலம் வருகிறது.

லட்சுமி யானையின் மணல் சிற்பம்