கார்த்திகை அமாவாசை : புதுச்சேரி ஏனாம் ஆற்று பகுதியில் தீபம் ஏற்றி விடிய விடிய வழிபாடு

புதுச்சேரியின் ஏனாம் பிராந்தியம் ஆந்திர மாநில கோதாவரி ஆற்றையொட்டி இருக்கிறது. இங்கு கார்த்திகை மாத அமாவாசையான நேற்று இரவு சிவபெருமானை வழிபடும் சிறப்பு பூஜையை நடத்தப்பட்டது.

அப்போது அங்குள்ள ராஜீவ் கடற்கரையில் கோதாவரி ஆற்று பகுதியில் ஆயிரக்கணக்கான ஆண்களும் பெண்களும் கூடி தீபம் ஏற்றி ஆற்றில் விட்டு வழிபட்டனர்.

முன்னதாக ஏனாமில் உள்ள கிடிராஸ்வரர் கோயிலில் பூஜை செய்து 3 நாள் விரதம் இருந்த மக்கள் நேற்று இரவு முதல் இன்று காலை வரை விடிய விடிய தீபம் ஏற்றி சிவ பெருமானை வழிபட்டனர்.

ஆண்டுதோறும் இவ்விழாவை மக்கள் சாதி-மத பேதமின்றி ஒரே இடத்தில் கூடி வழிபடுவது வழக்கம் என்பது குறிப்பிட தக்கது...

பெண்கள் ஆண்கள் குழந்தைகள் என அனைவரும் சேர்ந்து பூஜை செய்தனர்.

கார்த்திகை அமாவாசையை முன்னிட்டு குவிந்த மக்கள்