புதுச்சேரியில் பார்வையாளர்களைக் கவர்ந்த நாய், பூனை கண்காட்சி..!

புதுச்சேரி அரசின் கால்நடைத்துறை சார்பில் கடற்கரை சாலை காந்தி திடலில் அழகு  நாய்கள் மற்றும் பூனைகளின் கண்காட்சி நடைபெற்றது.

இதில் 5 பூனைகள் மற்றும் 200க்கும் மேற்பட்ட நாய்கள் கலந்து கொண்டன.

இதில் சிப்பி பாறை, லேபர், ஷெப்டு, கோல்டன் ரெட்ரீவர், ராட்வீலர், டால்மேஷன், பக், அஸ்க்கி, கிரெட்டன், பிட்புல் உட்பட 25க்கும் மேற்பட்ட வகையான நாய்கள் பங்கேற்றன.

இவை அணிவகுத்தல், கட்டளைக்கு கீழ்படிதல் என மேடையில் நிகழ்த்தி காட்டின. இவை பார்வையாளர்களை வெகுவாக கவர்த்தது.

வெற்றி பெற்ற நாய் மற்றும் பூனைகளுக்கு சபாநாயகர் செல்வம், கால்நடைத்துறை அமைச்சர் ஜெயக்குமார் ஆகியோர் பரிசுகளை வழங்கி பாராட்டினர்.

ஒட்டுமொத்தமாக சாம்பியன் பட்டத்தை ஆர்த்தர் என்ற பெயரை கொண்ட நாய் வென்றது.

5 ஆண்டுகள் இடைவெளிக்கு பிறகு புதுச்சேரி அரசு இந்த கண்காட்சியை  நடத்தியது.

இதனை ஏராளமான உள்ளூர் மக்களும் சுற்றுலா பயணிகளும் ஆர்வத்துடன் கண்டு களித்தனர்.

போட்டிக்கு வந்தவர்கள் பலரும் கடற்கரை சாலையில் நாய்களுடன் காத்திருந்தனர்.

அப்போது கடற்கரைக்கு வந்தவர்கள் நாய்களை ஆர்வத்துடன் பார்த்தனர்.

இதில் பின் கால்கள் பாதிக்கப்பட்ட நாய் ஒன்று சக்கரங்களுடன் வந்ததை பலரும் ஆச்சரித்துடன் பார்த்தனர்.