2023 புத்தாண்டு ஃபேஷன் ஷோ... புதுச்சேரியில் கலக்கிய மாடல்ஸ்..

உலகம் முழுவதும் புத்தாண்டு வெகு சிறப்பாக கொண்டாடப்பட்டது. பொதுவாகவே, விடுமுறை தினங்களில் சுற்றுலா பயணிகள் புதுச்சேரிக்கு படையெடுப்பது நிகழும்.

அந்த வகையில் புத்தாண்டை முன்னிட்டு புதுச்சேரியில் சுற்றுலா பயணிகள் குவிந்துள்ளனர்.

இந்நிலையில், சுற்றுலா பயணிகளை மகிழ்விக்கும் வகையிலும், இந்தியா முழுவதுமாக இருந்து பேஷன் கலைஞர்களை ஊக்குவிக்கும் வகையிலும், தவளக்குப்பம் சான்னேஸ் தனியார் அமைப்பின் சார்பில் தவளக்குப்பம் கடற்கரையில் பேஷன் ஷோ நடைபெற்றது.

இதில் 100-க்கும் மேற்பட்ட ஆண்கள், பெண்கள், திருநங்கைகள் கலந்து கொண்டு உடையணிந்தும் ரேம்ப்வாக் செய்து தங்கள் திறமைகளை வெளிப்படுத்தி அசத்தினர்.

இந்நிகழ்ச்சிக்கு வந்திருந்த சுற்றுலாப்பயணிகள் மற்றும் பொதுமக்கள் ஆர்வத்துடன் ஃபேஷன் ஷோ நிகழ்ச்சியை கண்டு ரசித்ததோடு, தங்களின் செல்போன்களில் வீடியோ எடுத்து மகிழ்ந்தனர்.

மேலும் புத்தாண்டை ஒட்டி மது பிரியர்கள் சுற்றுலா பயணிகள் நடனத்தை ஆடி தங்களின் மகிழ்ச்சியை வெளிப்படுத்தினர்.