கூடலூரில் காவலர்கள் குடியிருப்பு வளாகத்தில் குட்டியுடன் முகாமிட்ட காட்டு யானை... அச்சத்தில் மக்கள்...

கூடலூர் மற்றும் அதன் சுற்றுப் பகுதிகளில் தேயிலை தோட்டங்கள் மட்டுமல்லாமல் குடியிருப்பு பகுதிகளிலும் காட்டு யானைகளின் நடமாட்டம் காணப்படுகிறது.

இந்நிலையில் சேரம்பாடி பகுதியில் நேற்று காவலர் குடியிருப்பு வளாகத்திற்குள் குட்டியுடன் உலா வந்த காட்டு யானை ஹாயாக மேய்ச்சலில் ஈடுபட்டது. 

குட்டி யானையுடன் காட்டு யானை மேய்ச்சலில் ஈடுபட்டதை குடியிருப்பில் இருந்த காவலர் ஒருவர் வீடியோ எடுத்துள்ளார்.  தற்போது இந்த வீடியோ வைரலாகி வருகிறது.

 குடியிருப்பு பகுதியில் யானைகள் உலா வருவதை வனத்துறையினர் கண்காணித்து அடர்ந்த வனப்பகுதிக்கு அதனை விரட்ட வேண்டும் என மக்கள் கோரிக்கை விடுத்துள்ளனர்.