முதல் முறையாக நீலகிரி மாவட்டத்துக்கு வருகை தரும் பிரதமர் மோடி.. முதுமலையில் 3 நாட்களுக்கு நோ எண்ட்ரி..

மாவட்டத்தில் புகழ்பெற்ற சுற்றுலா தலமாக விளங்கும் முதுமலை புலிகள் காப்பகம் ஆனது யுனெஸ்கோ அமைப்பு மூலம் உலக பாரம்பரிய சின்னங்களுள் ஒன்றாக அறிவிக்கப்பட்டுள்ளது. 

இதனிடையே 95வது ஆஸ்கர் விருதுகள் கடந்த மார்ச் 13ஆம் தேதி நடைபெற்றது முதுமலை புலிகள் காப்பகத்தில் பொம்மன் - பெள்ளி என்ற தம்பதியினர் ரகு என்ற குட்டி யானையை வளர்த்து வந்ததை கார்த்திகி கோன்ஸ்வால் எனும் உதகையைச் சேர்ந்தவர் இயக்கிய ஆவணப்படத்திற்கு ஆஸ்கர் விருது அறிவிக்கப்பட்டிருந்தது.

இந்த தம்பதியினர் மற்றும் ரகு என்ற குட்டி யானையை நேரில் காண்பதற்காகவும்,பிரதமர் நரேந்திர மோடி வரும் 9ம் தேதி முதுமலை புலிகள் காப்பகத்திற்கு முதல் முறையாக வரவிருக்கிறார்.இதற்கான முன்னேற்பாடுகள் தீவிரமாக நடைபெற்று வருகிறது.

இங்கு வளர்ப்பு யானைகள் அதிக அளவில் பராமரிக்கப்பட்டு வருகிறது.இங்கு பல்வேறு மாவட்டங்களில் இருந்தும், பல்வேறு மாநிலங்களில் இருந்து மட்டுமின்றி பல்வேறு வெளிநாடுகளில் இருந்தும் சுற்றுலா பயணிகள் அதிக அளவு வருகை தருகின்றனர்.

பிரதமர் நரேந்திர மோடி வருகையை முன்னிட்டு ஏப்ரல் 6ம் தேதி முதல் 9ஆம் தேதி வரை  3நாட்களுக்கு முதுமலை புலிகள் காப்பகத்தில் சுற்றுலா பயணிகளுக்கு அனுமதி இல்லை என்று அறிவிக்கப்பட்டுள்ளது.

நீலகிரி மாவட்டத்திற்கு சுற்றுலா வரும் சுற்றுலா பயணிகள் இந்த தேதிகளில் முதுமலைக்கு செல்ல முடியாது.