ஊட்டி மலைப்பாதை ஒரு வழிப்பாதையாக மாற்றம்... எந்த ஊருக்கு எந்த வழியில் போகலாம் - முழு விவரம் இதோ!

கோடை சீசனை முன்னிட்டு யில் நாளை முதல் போக்குவரத்து மாற்றம் செய்யப்படுவதாக மாவட்ட ஆட்சித் தலைவர் எஸ்.பி அம்ரித் தெரிவித்துள்ளார். இது குறித்து அவர் செய்தியாளார் சந்திப்பில் கூறுகையில், "நீலகிரி மாவட்டத்திற்கு அதிகமான சுற்றுலா பயணிகள் வரும் நிலையில் போக்குவரத்து நெரிசலை தவிர்க்க கருத்து கேட்பு கூட்டம் நடைபெற்றது.

இதையடுத்து உதகையிலிருந்து கோவை, மேட்டுப்பாளையம் செல்லும் அனைத்து வாகனங்கள் கோத்தகிரி வழியாக செல்லவும் அதேபோல் சமவெளி பகுதிகளிலிருந்து உதகை நோக்கி வரும் வாகனங்கள் பர்லியார் குன்னூர் சாலையை பயன்படுத்தும் வகையில் அறிவுறுத்தப்பட்டுள்ளது.

நாளை இரவு 12 மணி முதல் இந்த ஒரு வழி போக்குவரத்து மாற்றம் செயல்படும்” என மாவட்ட ஆட்சியர் கூறினார்.

மேலும் நகரின் நுழைவு பகுதியில் ஏற்படுத்தப்படும் அனைத்து பார்க்கிங்களிலும் சுற்றுலா பயணிகளுக்கு தேவையான குடிநீர், கழிப்பிடம் போன்ற அடிப்படை தேவைகள் ஏற்படுத்தப்படும். அதேபோல் பார்க்கிங்கிலும் பேருந்து சேவை இயக்கப்படுவதாக ஆட்சியர் தெரிவித்தார்.