அமெரிக்க அமைச்சருடன் இணைந்து ஹோலி கொண்டாடிய மத்திய அமைச்சர் ராஜ்நாத் சிங்

நாடு முழுவதும் அரசியல் தலைவர்கள் உற்சாகமாக ஹோலி பண்டிகை கொண்டாட்டத்தில் ஈடுபட்டனர். டெல்லியில் பாதுகாப்புத்துறை அமைச்சர் ராஜ்நாத்சிங் அவரது வீட்டில் ஹோலி பண்டிகையை உற்சாகமுடன் கொண்டாடினார்.

இதில், மத்திய அமைச்சர்கள் ஜெய்சங்கர், கிரண் ரிஜிஜு, பியூஷ் கோயல், அனுராக் தாக்கூர், உள்ளிட்டோர் கலந்து கொண்டனர். சிறப்பு விருந்தினராக அமெரிக்க வர்த்தக அமைச்சர் கினா ராய்மொண்டோ(Gina Raimondo) பங்கேற்றார். வண்ண வண்ண பொடிகளை தூவி தலைவர்கள் உற்சாகமுடன் ஹோலியை கொண்டாடி மகிழ்ந்தனர்.

பாதுகாப்புத்துறை அமைச்சர் ராஜ்நாத் சிங், அமெரிக்க வர்த்தக அமைச்சர் கினா ராய்மொண்டோ ஆகியோர் டிரம்ஸ் வாசித்து அங்கிருந்தவர்களை உற்சாகப்படுத்தினர்.

உத்தரப்பிரதேச மாநிலம் கோரக்பூரில் நடைபெற்ற ஹோலி பண்டிகையில் அம்மாநில முதலமைச்சர் யோகி ஆதித்யநாத் கலந்து கொண்டார்.

மத்திய பிரதேச மாநில முதலமைச்சர் சிவ்ராஜ் சிங் சவுகான் தனது குடும்பத்துடன் ஹோலி பண்டிகையை உற்சாகமுடன் கொண்டாடினார். phaag பாடல்களை பாடி சிவராஜ் சிங் சவுகான், அனைவரையும் உற்சாகப்படுத்தினார்.

ராஜ்நாத் சிங்குடன் அமெரிக்க வர்த்தகத்துறை அமைச்சர்

ராஜ்நாத் சிங்குடன் வெளியுறவுத்துறை அமைச்சர் ஜெய்சங்கர்